Subling Pagsidlak
![Subling Pagsidlak](https://media.philstar.com/photos/2023/06/06/showbiz-photo-rachael-mae_2023-06-06_22-54-53.jpg)
Nibubo og oras ug salapi si Awit Ng Lahi grand champion Rachelle Mae Faelnar Bulawan sa wala pa siya nagmadaugon didto sa Norway niadtong Sabado. Kini kay dili man gyud siya residente sa maong nasud, kundili, nanimuyo siya sa Denmark. Walo ka oras ang byahe by land gikan sa Denmark paingon sa Norway. Singkwenta minutos kun eroplano ang sakyan.
"Akong friend actually nagtag sa akoa sa fb nga naa contest sa Norway, so niask dayun ko nila if pwede ba muapil bisan dili taga Norway. Niingon sila og yes if willing ko muadto on my expense if ever madala ko," saysay ni Rachelle sa Banat News Hugyaw(BNH) niadtong Lunes.
Busa ni-audition siya online. Human niini, nag-record siya og kanta didto ra sa iyang pinuy-anan sanglit aduna siyay kaugalingong set up. "Our songs were posted on Youtube, and the votes, magbase sila sa views and likes," tsika pa sa kanhi Sinulog Idol Season 2 grand champion.
Dili basta-basta ang iyang nakontra sa grand finals sanglit kasagaran nila mangantahay sab dinhi sa Pilipinas. Mga wedding singers.
Ang bentaha ni Rachelle mao nga dili na siya bag-o sa mga indigay nga ingon niini.
"My advantage was experience for sure na, and kabalo najud ko unsay dagan sa contest, mga type nga crowd sa contest and mao sad na nakatabang nako hunahuna unsay bagay kantahon sa event nga makaingon jud sila nga ako rajud ang lahi. Mao I asked myself, what is Rae known for? Mao nag-upbeat ko nga kanta and I showed them what kind of a performer I am," tsika pa niining lumad sa Mandaue City.
Hangtud niadtong Lunes, wala pa gihapon molugdang ang kamatuoran nga siya maoy nakadaug sa Awit Ng Lahi, nga gipasiugdahan sa Filipino Community sa Norway isip highlight sa Fiesta Filipino 2023.
"Shock gihapon ko, kay sa kadugay nako wala nakakanta on stage, tungod sa covid, feeling nako rusty na kaayu ko. Shock gihapon ko sa ako performace kay wa ko nag expect nga mukiat ko. Nigawas jud akong real self kay stage is my SECOND home," dugang pa ni Rachelle, kinsa kanhi sakop sa Cebu based girl group, Maka Girls.
Malaumon siya nga pinaagi sa iyang kadaugan, mapadayon na gyud niya ang iyang pagkanta didto.
"It's a start najud for me to keep doing what i love again here in EU, and the main reason jud nako is ang title, to get an EU title, and go my way up the same sa akong gibuhat diha sa Cebu," panapos pa niya.
- Latest