Cebuana, nidaog sa Norway!

Nidaog sa Awit ng Lahi didto sa Norway si Sinulog Idol Season 2 grand champion Rachelle Mae Faelnar Bulawan.

Ang maong bangga sa awit, gipasiugdahan sa Filipino Community (FilCom) sa maong nasud, diin pipila ka bulan ang giagian nga elimination rounds sa finalists.

Sa grandfinals niadtong Sabado, lima na lamang ka finalists ang nagtigi. Gitumong ang maong kompetisyon sa Fiesta Filipino 2023 celebration sa Norway.

Si Rachelle lumad sa Mandaue, City. Kanhi siya sakop sa sikat nga Cebu- based girl group "Maka Girls" diin nahimo silang semi-finalist sa singing competitions sa ABS-CBN kaniadto sama sa Pilipinas Got Talent ug Your Moment.

Gidumala siya dinhi sa Sugbo sa tag-iya sa Soundtraxx Production Studio ug program manager sa Sinulog Idol nga si Gloria Villarojo.