Benjie, hindi nawawala ang pagmamahal sa basketball

Talagang nasa basketball pa rin ang puso ni Benjie Paras. lyon bang ang ligaya na niya basta nandu’n siya sa seat of action, kahit na nga manood na lang siya.

‘Katuwa nga na ngayon ay magkasama sila ni Andre Paras sa pagiging sports commentator. At kahit na nga nasa Japan si Kobe Paras para maglaro, every now and then pinupuntahan nila ito.

Siguro ‘yung younger kids ni Benjie at asawang si Lyxen baka maging basketball addicts din dahil nasasanay silang manood ng basketball.

I love the way Benjie handles his time and his being a family man.

Talagang very responsible siya at focus. Kaya naman hindi kataka-takang ang mga anak niya ay mga responsible and good people habang lumalaki.

Rachelle Ann, nilantad ang baby girl

Ang bongga naman ng Filipino theater actress na si Rachelle Ann Go. Ibinahagi nito ang litrato ng kanyang baby girl.

Dalawang buwan na ang kanyang baby na si Sela.

Sa caption nito ay in love na in love raw siya rito.

“I am so in love with you Sela…

She is already showing so much character! She loves to chat, smile and sing with me.
Happy 2 months our little one.”

Maraming netizens naman ang natuwa sa kanyang post at pumuri sa baby niya na lutang ang pagiging cute. Perfect nga raw dahil meron na silang baby boy na panganay nila ng asawang si Martin Spies na si Lukas at ngayon ay baby girl naman ang kanyang pangalawang anak. Congrats!