Loydie ug Echo, type ni Tracy

CEBU, Philippines — Mag-artista na ang Sugbuanong beauty-queen nga si Tracy Maureen Perez. Suma pa ni Miss World Philippines 2022, atol sa presscon sa Beauty Wise, diin gipaila siya isip brand ambassador, taod-taod na siya nga gipailawom sa iyang manager nga si Arnold Vegafria og acting workshop ingon man guestings. Batch sila ni Rabiya sa Miss Universe Philippines 2021, ug managhigala sila, busa nanghinaot siya nga magkaistorya sila puhon taliwala sa ka busy niini, aron makapangayo siya og tips gikan sa maong ilongga kinsa kapuso star na karon. Kun makabaton og kahigayonan, buot ni Tracy nga mamamahimong leading men sila si John Lloyd Cruz ug Jericho Rosales puhon.

Pataka la’g yawit!

Nakatawa nga napungot si Gigi de Lana sa komento sa usa ka basher nga maong nasakit ang iyang tutunlan gumikan kay sige lamang kini og syagit basta mokanta. Kahinumduman nga gipahibawo ni Gigi niadtong April 26, nga mopahuway una siya og duha ka bulan gumikan kay may napalgan nga nodules sa iyang tutunlan. Apan gi-bash na hinuon siya nga nakapadismaya sa singer kay niya pa nagpataka na lang og yawit ang mga wala nakasabot.  "Yung may pinagdadaanan ka sa boses mo, dami pa nag assume at nag judge kung bakit ako nag ka sakit sa throat. Dahil puro sigaw [birit] daw ako? Haha kaawa kayo, mga walang alam, basta maka comment.” Matud niya, mokayud gyud siya alang sa iyang inahan nga adunay cancer. "Malamang kakayod ako para sa nanay ko na may cancer. Ako lang anak niya eh. Sino kakayod?" Tweet niya adtong Domingo.

Mobalik na si Matthew

Balik showbiz na ang 90’s hunk nga si Matthew Mendoza human sa tulo ka termino niya isip councilor sa Puerto Princesa, Palawan. Suma niya sa exclusive interview sa PEP, na-miss gyud niya ang showbiz, ug karon andam na siya nga balikan kini sanglit namatud-an na niya ngadto sa iyang mga konstituente nga andam gyud siya nga moserbisyo nila ug nga dili niya sila pasagdan. May mga offers siya sa nilabay nga siyam ka mga tuig, apan iyang gibalibaran ang uban gumikan kay ma-conflict kini sa iyang pagka konsehal. Dagko na sab ang tulo niya ka mga anak, diin 23 ang kamaguwangan ug 17 ang kamanghuran, ug excited matud pa sila nga makita niya pag-usab sa showbiz. Hasta ang iyang asawa nga si Angie, suportado sab ang iyang pagbalik showbiz. Lakip sa mga pelikula ni Matthew kaniadto mao an Dyesebel ug Sabado Nights. Gihulma matud pa siya sa Viva kaniadto isip sexy leading man, apan sa iyang pagbalik, dili matud pa siya magpa sexy kay dili niya makaya. Kaniadto pa gyud duna na siyay limitasyon sanglit dili siya buot nga adunay masulti ang iyang pamilya. Mahimo sab siya nga magkontrabida. Katapusan nga ni-arte si Matthew niadtong 2018, pinaagi sa ABS-CBN teleserye Wildflower.

Pinoy ang heart

Gibutyag ni Ryan Bang ngadto kang direk Laurenti Dyogi sa Star Magic Celebrity Conversations vlog niining bag-o lang nga daghan na siya og nadawat nga offers aron mamahimong idol sa Korea. Lakip ang management ni Dara Park kaniadto, niagni niya nga suwayan ang Korean entertainment. Apan matud pa sa Korean actor/host, kinsa naila pinaagi sa PBB Teen Edition, kun mag-Korea siya, kinahanglan nga adto na gyud siya magbase ug dili siya ganahan niini. Dugang pa niya, daghan kaayo og gidili didto sa Korea, di numero imong lihok kun celebrity ka, ug dili kini mohaom sa iyang personalidad. Gawas pa, Filipino na gyud matud pa ang iyang pagbati.

DongYan sa Star Cinema

Nibuto ang tsika niadtong Domingo nga tinuod gyud nga mohimo og pelikula sa Star Cinema ang magtiayong Dingdong Dantes ug Marian Rivera. Gumikan matud pa sa kanindot sa istorya ug sa direktor nga mogunit niini, nitando ang Primetime King & Queen sa GMA7. Ibutyag ra matud pa ang mga detalye kabahin niini sa dili madugay. Kalima na nakagama og pelikula ubos sa Star Cinema si Dingdong nga naglangkob sa Noy (2010), One More Try (2012), She’s The One (2013), The Unmarried Wife (2016) ug Seven Sundays (2017).

Miss Long Torso

Kana maoy caption ni Chie Filomeno niining maong mga hulagway. Apan nihirit siya sa photographer nga paspasan ang paglitrato niya kay init na matud pa's iyang tiil sanglit nagtiniil siya.

Courtesy of IG account: chiefilomeno

Wala Kauyon si Gloria

Supak ang labing unang Pinoy Miss Universe nga si Gloria Diaz sa kabag-ohan karon sa prestihiyosong pageant diin mahimo na nga moapil ang mga inahan ug transgender. Sa presscon sa umaabot niyang pelikula Lola Magdalena, gipadayag ni 1969 Miss Universe nga Universe na lang ang angayan nga tawag sa maong indigay sanglit dili na Miss ang tanang kandidata.

“Dapat ‘Universe’! Hindi, I think they even include transvestites. Siyempre, going with the times, no? Pero my personal opinion — which is not to be taken in the negative way — dapat may sarili silang contest. May Mrs. Universe, may Lesbian Universe, may Tranny Universe.”

“There is room for so much. Oo, mga category na ganoon, ganyan. Tapos, kasi even sa Mrs. Universe, andaming magaganda diyan na nanganak na. OK lang yon!”

Alang kang Gloria, nagsugod ang mga kausaban human nga giusab ang age requirement sa Miss Universe diin 18-28 years old, sukwahi kaniadto nga 26 years old ra kutob.

“Kasi actually, pag 28 ka na, dapat may career ka na, hindi ba? Dapat mga… like during my time, from 17 or 18 hanggang 23, ikaw na ang pinakamatanda. In fact noon, pag may 23 years old, sasabihin nila, ‘And the oldest candidate, 23 years old…’ Ganyan, no? Bukod-tanging ikaw ang pinakamatanda.”

“Pero ngayon, nakaka-28 na yata, puwede pa rin, e. It’s hard. It’s a very new idea na sa akin… not very acceptable.”

Niya pa, angayan nga lain-lain gyud og pageant aron paghatag og daghang kahigayonan. “Dapat kanya-kanya! O sige, di at least it gives people more chances, di ba? Kasi, you’re representing this country. E, kung may mas magandang babae, o mas magandang tranny… mas mahirap kalaban ang tranny.”

“Kasi I’ve been a judge sa Super Sireyna. Ang gaganda talaga nila! At talagang palaban! Kaya nilang magsirku-sirko diyan, di ba?”

Lola Magdalena

Maanindot ang istorya sa Lola Magdalena. Ang kanhi Miss Unverse mao ang 70-years old nga si Dalena Lola Magdalena kinsa tambalan ug mananag-an sa adlaw, prosti sa gabii.

Kauban niya isip mga pokpok sa maong pelikula sila si Perla Bautista, Liza Lorena, Pia Moran, ug Sunshine Cruz. Malakip sab sa cast sila si Angel Guardian, Carlo San Juan, Jim Pebanco, Marcus Madrigal, Harlene Bautista, Dorothy Gilmore, ug Joonee Gamboa.

Si Joel Lamangan maoy director, ug si Dennis Evangelista maoy scriptwriter.  Ang executive producer mao si Amelia OJA Zuniga sa Hiro Hito Film Production.