Promo ra siguro

Nakugang si Liezel Lopez dihang nikomentaryo si Boy Abunda nga daw tan-aw sa dalaga niya mora siya og si Kristoffer Martin. Kini taliwala sa pagka bibo ni Liezel nga nideklara nga na fall na siya kang Martin del Rosario. Guest silang duha sa Fast Talk With Boy Abunda niadtong Biyernes aron i-promote ang Voltes V: Legacy nga mulugwa na sa GMA7 primetime sa May 8. Sila si Liezel ug Martin ang mga kontrabida. Nagbuwa-buwa gyud ang baba ni Liezel nga nagpunay og dayeg kang Martin, hangtud nga nikomedya si Abunda kabahin kang Kristoffer. Nagkarelasyon si Liezel ug Kristoffer og tulo ka bulan, nagbulag sila ug gipakaslan sa aktor ang uyab niini nga inahan sa iyang anak.