Julia Clarete, matagal MIA

May TV comeback si Julia Clarete.

Matagal-tagal na ring missing in action kumbaga ang former Eat Bulaga host.

This time, sa isang edutainment program, ang Barangay Mirandas.

Gagampanan niya ang role ni Kapitana Miriam Sebastian.

Ang kuwento, nanalo siya sa ginanap na eleksyon.

Tulad ng isang Kapatina sa totoong buhay, marami siyang haharaping problema sa bagong responsibilidad.

Pero ang the height ay mai-in love siya sa kanyang nakalaban.

And sadly, wala itong mararamdaman para sa kanya.

Hindi ba siya susuko para maging sila?

Gagampanan naman ni John Medina ang character ni Kagawad Rolly del Monte/ PDEA Agent Mark Bagsik.

Simple ang story pero ayon sa producer nitong si Ms. Rossana Hwang, hindi lang basta kuwento ito ng isang Kapitana kundi kung gaano kabigat ang responsibilities nito sa isang Barangay. “The project is a teleseries consisting of 16 episodes. Ang misyon ng teleseryeng ito ay turuan ang mga tao kung paano gumagana ang isang barangay but weaving it into a storyline that will make it interesting.”

Dagdag ni Ms. Hwang : “Barangay Mirandas is a middle class barangay. Just like anywhere, it has all sorts of people who make this barangay a colourful one. While the main theme is showcasing the barangay interacting with constituents, our secondary storyline is the Kapitana and Kagawad 1 falling in love despite their initial differences, it has all sorts of elements to make it an interesting drama, romance comedy, drama, action, conflict,” dagdag nito tungkol sa kanilang programa.

Ang Kapitana Entertainment Media, ayon pa kay Ms. Rossana ay isang edutainment outfit na gumagawa ng KapDramas na naglalayong itaguyod ang pagpapahalaga at mga aral sa buhay na nagaganap sa isang barangay.

Nauna na nilang ginawa ang Big Bag Theory at Entitled, na umani ng nomination sa Korea International Short Film Festival at Cine Asian Film Festival.

Binibenta nila ang dalawang titulo sa mga in-flight entertainment company sa Australia at UK.

Napapanood na ang Barangay Mirandas sa Net 25, until July 9, 2023.