Bagong record sa Blackpink

Padayon nga nikulit og kasaysayan ang  K-pop girl group nga  Blackpink human kini nakaangkon napud og bag-ong  YouTube record.

Base sa website sa  Guinness World Records, ang YouTube channel sa maong grupo maoy "most viewed music channel" sa pagka-karon nga dunay kapin sa 30 billion views.

Ang niaging  record holder  niini mao ang banda nga  Maroon 5 nga dunay kapin sa 9  billion views niadtong  2018.

Bag-ohay lang nitikang sa Pilipinas ang Blackpink  alang sa  "Born Pink" concert tour. Ang maong grupo nahulma niadtong 2016 ug gilangkoban kini nila ni  Rose, Jennie, Lisa ug  Jisoo.