Reunion sa big stars!

CEBU, Philippines — Viral karon ang mga hulagway sa mga dagkong bituon sa showbiz nga pinakalit ang reunion kauban sa ilang "tatay" nga si direk Johnny Manahan o Mr. M. Lakip sa nitambong sila si Piolo Pascual, John Lloyd Cruz, Jericho Rosales, Diether Ocampo, Heart Evangelista, Maja Salvador ug Bea Alonzo. Nasigpatan sab si Kyle Echarri. Suma pa nahitabo ang maong reunion niadtong March 28 sa gabii gumikan sab sa kagustuhan sa mga nahisgutan nga makita ug makauban si Mr. M. Nahug na sab matud pa kadto og belated birthday celebration ni Mr. M, kansang sumad sa adlawng natawhan niadto pang February 11. Gikilig ang netizens nga nakakita sa mga hulagway nga nagtupad ang mag-ex nga sila si Heart ug Jericho. Panawagan nila: project alang sa duruha.

Gardo na ICU!

Nalandig sa ICU niadtong March 28, ang aktor nga si Gardo Versoza kay nahiagom kini og heart attack. Kinahanglan matud pa kini nga mopailawom og operasyon gumikan kay adunay duha ka ugat nga nakababag. Suma sa asawa ni Gardo nga si Ivy: “May nakita pong dalawang ugat na barado at kailangan siyang sumailalim sa angioplasty asap.Pero dahil critical na po ang lagay niya, hindi po kayang isabay yung isang ugat. After two to three months po ang next schedule ng angioplasty sa kanya." Matud ni Ivy, adunay history sa heart ang pamilya ni Gardo, apan ang nakaingon sa atake mao ang tumang exercise sa aktor.“Extreme po kasi yung biking niya last time from Pasig to Tarlac.Grabe rin siya mag-workout sa gym.Dun niya nakuha ang heart attack dahil okay naman ang resulta ng test sa kanyang cholesterol, uric, at blood sugar levels," ni Ivy pa ngadto sa PEP.

Iring-iring ni John, Cebuana?

Usa ka screenshot sa matud pa panag-istorya nila ni Miss Earth 2004 Priscilla Merielles ug sa ginganlan og Chiyo dela Veyga nga matud pa social media influencer nga taga Cebu ang nikatap online. Sa maong panag-istorya, gikomprontasi ni Priscilla si Chiyo kabahin sa Viber chat tali niini ug ni John Estrada nga bana sa kanhi beauty-queen. Apan gihimakak ni Chiyo nga nag-istorya sila ni John. Matud niini, igo lamang gipangayo ni John ang iyang numero niadtong nagkaabot sila sa usa ka event dinhi sa Cebu. Gipangayo matud pa sa aktor ang iyang numero alang sa future events. Daw nakontrobersyal si Chiyo kay kini matud pa mismo ang nagpost sa maong Viber conversation nila ni Prescilla ug may caption nga nagkanayon: hoy ante abe nakog okay nata…. igo ramn ko nitilaw gd kaisa rajd very light rajd kaayu to ay wala nako muusab kay way lami”. Deleted na matud pa ang maong post apan may naka screenshot niini. Nagduda ang netizens nga nagbinuang na sab si John sanglit makahuluganon ang posts ni Priscilla niining nilabay nga adlaw, lakip na niini ang iyang survey unsa matud pay tawag sa babay nga mopatol og minyo.

Gipugos og pahubo!

Biktima og exploitation si Ina Raymundo niadtong batan-on pa siya sa showbiz diin gipugos matud pa siya pagpahimo og eksena nga wala sa ilang nauyonan.  Breast exposure ra ang nasabutan, apan sa shooting na gipugos siya pagpabuhat og labaw pa sa nauyonan.

Kana maoy iyang kasinatian niya  sa usa ka pelikula nga wala niya nganlii ug maoy gikompisal ni Ina ngadto sa Fast Talk With Boy Abunda niadtong Miyerkoles sa hapon.  “Parang dark moment yung time na yon. Buti na lang, kumita yung pelikula, which was in a way parang na-vindicate ako."

“I don’t even wanna mention kung sinong nang-api sa akin noon but, yay… Parang they treated me like a child na sinisigaw-sigawan dahil ayokong gawin yung eksena. “Meron pang pananakot na isu-sue ako. Pero kung tutuusin, that was just a bluff because wala naman kaming written na usapan na mag-o-all out ako.

“Ibinaon ko na yon, pero since you asked me, that was a dark moment.

"But, thank God, I’m healed. But at that time, I was not okay,” niya pa kinsa niingon nga dili gyud unta siya mohisgot kabahin niini kundili pa lamang si Abunda maoy nangutana niya. Lakip sa mga pelikula niya kaniadto mao ang Sabado Nights (1996), Sobra-sobra Labis-labis (1996), Burlesk Queen Ngayon (1999), Shame (2000), ug Madame X (2000).

Oh, Lala...

Gipakpakan karon ang swimsuit photos ni Jennica Garcia gumikan kay blooming matud pa karon ang aktres nga nagkasikat og maayo gumikan sa iyang makalingaw nga karakter sa ABS-CBN toptrending series Dirty Linen isip Lala. Maayo sab gyud ang abilidad sa pag-arte nga gipakita niya niining maong serye. Ug nalingaw sab ang fans sa komento ni Christian Bables sa swimsuit photos ni Jennica. Suma ni Christian: "Jennica “lumaban” Garcia . Gagawin ko tong wallpaper, hindi ng phone or laptop ko, pero ng buong bahay ko. Hahaha love you tol!" Co-stars si Christian ug Jennica sa Dirty Linen diin kiligon sab ang viewers magtan-aw kanilang duha.