Marlo at Majoy, bibida sa bagong tv advocacy series ng Knowledge Channel
Isang educational at entertaining na TV advocacy series ang hatid ng Knowledge Channel Foundation Inc., (KCFI) ngayong Valentine’s Day katuwang ang National Nutrition Council (NNC) sa I Love You 1000: Batang #Laking1000, na pagbibidahan nina Marlo Mortel at Majoy Apostol.
Nakasentro ang kwento sa bagong kasal na mag-asawa na sina Angela (Apostol) at Mark (Mortel) na bibigyang-linaw ang kahalagahan ng unang 1000 days ni baby.
Kasama ang doctors at experts, tatalakayin isa-isa ang mga usapin sa nutrisyon, kalusugan, pangangalaga at pag-unlad ng mga bagong silang na bata.
“Each episode is specially curated to address every concern and debunk superstitions on early childhood care. We hope to inspire more parents to raise young children in an environment that is nourishing, responsive, and safe,” pahayag ni KCFI president and executive director Rina Lopez.
Ang KCFI ang una at nag-iisang non-profit organization sa bansa na gumagawa ng curriculum-based videos at patuloy na nagbibigay ng transformative learning experience sa mga guro, estudyante, health workers at mga magulang. Patuloy lang ang KCFI sa pakikipagtulungan sa iba’t ibang hanay ng gobyerno para mas mapalawak ang access nito.
“This collaboration with the NNC started out as a response to continuously provide nutrition education classes to Filipino parents and caregivers. Sharing the same mission, we believe that early childhood care and nutrition are critical topics that we need to address today,” saad pa ni Lopez.
Magsisimula na ang I Love You 1000: Batang #Laking1000 ngayong Martes (Feb. 14), 4:00 p.m., tuwing Martes, Huwebes at Sabado sa Knowledge Channel TV available sa Sky Cable, Cablelink, PCTA, Cignal, Gsat, Satlite at Digital TV.
- Latest
