Maureen natagam kang JK?

CEBU, Philippines — Aduna na pu'y gipadungog -dungog ang beauty queen nga si  Maureen Wroblewitz nga nakapaukay og maayo sa iyang social media  followers.

Naghisgot si Maureen sa  niagi niya nga relasyon sa tawong wala niya hisgoti ang pangalan.

Apan dunay  pipila ka netizens ang nagduda nga ang kanhi niya uyab nga si Juan Karlos Labajo maoy gipasabot sa maong post.

Matud pa sa beauty queen nga wala gyu'y nasayod sa tinud-anay  nga panghitabo kaniya ug sa iyang  kanhi uyab.

Nagkanayon si Maureen  nga na-trauma gyud siya sa niagi niya nga relasyon.

“I have lost myself over the past few years and I'm finally realizing who I really am. I am working on myself and healing from past trauma because I don't want to make the same mistakes. Maybe one day I’ll be ready to speak about it because I know it could help a lot of people, "saysay pa niya.

Janine manimalos sa pamilya ni Zanjoe sa "Dirty Linen"

Mag-aso aso ang kulbahinam nga mga eksena sa bag-ong teleserye sa ABS-CBN nga “Dirty Linen nga mosikad na karong gabii.

Pipila niini mao  ang pagpanimalos sa karakter ni  Janine Gutierrez aron mapukan ang  pamilya ni Zanjoe Marudo.

Makauban  pud nila sa  “Dirty Linen,” mao sila si Seth Fedelin, Francine Diaz, Dolly De Leon, Joel Torre, Jennica Garcia ug Christian Bables.

Base sa mga  eksena ni Janine sa maong proyekto ,iyaha gyud nga ibulgar ang dautang elemento sa mga tawo nga  nidaog-daog kaniya.

Pipila sa iyang mga makatigi mao sila si   Cielo (Tessie Tomas),  Feliz (Angel Aquino),Ador (Epy Quizon),  Carlos (John Arcilla) ug Leona (Janice de Belen).

Nalakip pud sa  powerhouse cast sa  “Dirty Linen” sila si JC Santos, Xyriel Manabat, Raven Rigor, Andrea Del Rosario, CJ Navato, Rans Rifol, Raphael Robes, at Rubi Rubi.

Duna pu'y espesyal nga partisipasyon niini sila si  Susan Africa, Soliman Cruz, Liza Diño, Karl Medina, ug Ruby Ruiz.

Ang “Dirty Linen” maoy unang panagpares nila ni  Janine ug Zanjoe. Mao usab kini ang  unang Kapamilya teleserye ni Jennica.

Ang maong teleserye kay ubos sa  direksyon nila ni  Onat Diaz ug Andoy Ranay, nga makita sa alas  9:30 sa gabii sa Kapamilya Channel, A2Z, TV5, Kapamilya Online Live, iWantTFC, ug TFC.

Nagpanikad sa Sundance

Naghinam-hinam na si Beauty Gonzalez sa  Sundance Film Festival.  Nalakip si Beauty sa pelikulang “In My Mother’s Skin"  nga dunay  world premiere sa ikaduhang adlaw sa   Sundance.

Nalakip usab niini si Jasmine Curtis-Smith ug ubos kini sa direksyon ni Kenneth Dagatan.

Spring in Prague

Usa ka sikat nga Czech actress nga ginganlan  og Sara Sandeva maoy  leading lady ni Paolo Gumabao sa pelikula niya nga  Spring in Prague.  Excited na kaayo si Paolo sa maong proyekto sanglit ang shooting niini kay adto pagahimoon sa Czech Republic sunod buwan.

Pangandoy ni LT

Gipangandoy ni Lorna Tolentino nga makauban niya og balik sa trabaho ang aktor nga si Coco Martin. Kahinumdoman nga nalakip si Lorna kaniadto sa  “FPJ’s Ang Probinsyano”.

Horror Queen

Wala ra'y problema si Nadine Lustre kun tawagon siya og  Horror Queen. Kahinumdoman nga nag-una ang pelikula niya nga Deleter  sa niaging Metro Manila Film Festival 2022. Si Kris Aquino maoy naghupot sa maong titulo kaniadto.

“Won’t Stop” gipalanog na

Nagpadayon sila si Zach ug Zeph sa  paghulma og hugyaw nga mga awit  ug ang labing bag-o niini mao ang  “Won’t Stop” nga gipalanog na sa nagkadaiyang     digital platforms sukad niadtong Biyernes.

Nasayran nga nagsugod ang duha  sa indie pop ug pop ballads.

Ang  "Won't Stop" mahitungod sa pagdayeg sa usa ka tawo  ilabi na sa tanang nindot nga mga butang nga nakita niini. Gipahigayon usab kagabii   diha sa  Quady's Bar sa Talamban Times Square ang  music video watch party  sa  "Won't Stop" ug pipila sa ilang mga bisita mao si  Iping Amores ug ang banda nga  The Difficult Stranger.