"Para sa mga anak"

Gitubag ni Sunshine Cruz ang usa ka commenter sa iyang post nga nanaway niya nganong nakigkuyog siya sa iyang kanhi bana nga si Cesar Montano ug girlfriend niini nga si Kath didto sa Bohol alang sa pagsugat sa bag-ong tuig.

Una niini, nag-upload og hulagway si Sunshine kauban ang ilang mga anak ni Cesar, si Kath ingon man Diego Loyzaga.

Caption ni Sunshine niini nagkanayon: Cesar and Kath, thank you for hosting tonight’s dinner. The girls and I had a wonderful time chatting and catching up with all of you. We’ve missed Bohol and masaya kami na nakasama namin kayo dito sa New Year celebration."

Dinhi ni komento ang netizen ug niingon: Nag mukha ewan ito Sunshine pagkatapos lahat ito sumama pa sa bonding sa@gf ni Cesar.”

Gitubag kini ni Sunshine nga mas gipili niya nga mahusay sila ni Cesar ug mag-co-parenting sa ilang tulo ka mga anak.

Ni Shine pa, "Our family chose forgiveness and we are finally co-parenting. ‘Yang mga kagaya mo will never understand but this is our family and whatever works and makes the children happy, dun kami. Para sa mga anak."

Gidayeg usab ni Sunshine si Kath nga nidawat sa iyang tulo ka mga anak. Bulahan matud pa si Cesar sa iyang girlfriend karon.

Isip pagtapos, niingon si Sunshine nga mas maayo gyud ang magpuyo nga malinawon.

"Focus tayo sa positivity. Masarap po mabuhay nang may pagpapatawad at pagmamahal sa puso," sa aktres pa.

With the Clan

Nagmaya ang mga fan sa Donbelle human gi-upload ni Gab Valenciano ang hulagway sa Pangilinan clan diin nakita nga nitambong si Belle Mariano sa party sa pamilya sa iyang ka loveteam nga si Donny Pangilinan.

Courtesy of IG account:gabvalenciano

Niapil sa prayer meeting

Nalipay sab ang fans ni Vhong Navarro nga nakakita nga niapil ang ilang idolo sa prayer group ni Ogie Alcasid. Lakip sab si Ogie sa nalipay. Gani, caption niya sa iyang post:"Our 11 year old small group!! Ty Jesus for the different testimonies of faith that we learn from each other. Only by your grace dear Lord! Ty pareng @vhongx44 for joining us also. Hallelujah!!" Courtesy of IG account: ogiealcasid

Naundan si Kris

Happy ang mga fan ni Kris Aquino kay base sa mga hulagway nga gi-upload ni Batangas Vice Governor Mark Leviste, kinsa nibisita sa Queen of All Media didto sa Amerika, medyo naundan na ang nahisgutan. Dili na masakiton og nawong. Panghinaot nila nga maulian na gyud si Kris ug makapauli na dinhi sa Pilipinas. Courtesy of IG account: markleviste

Wow, Kelsey!

Nahiuli sa nasod ang Pinay Victoria Secret model nga si Kelsey Merritt ug atua naglingaw-lingaw sa Siargao kauban ang fashion photographer nga si BJ Pascual ug si Metro Manila Film Festival Best Actress Nadine Lustre.

Nahugyaw ang mga higala ni Kelsey sa ka maayo niyang mo-surf base sa porma niya sa iyang mga hulagway.

Gibutyag niya nga magpunay na siya'g surf kaniadto pa.

Apan mas nahugyaw sila kay nangalahas gyud si Kelsey samtang nag-surf. Tubag niya, "can't help it."

"HENNYYYY"

Nalingaw ang netizens kang Maris Racal gumikan sa iyang tweet kagahapon kabahin sa buot pasabot sa HNY. "Akala ko HNY na tawagan ng lahat ng magbeshies. happy new year pala yon akala ko HENNYYYY."

Remake ug sequel

Himuon na matud pa karong tuiga ang sequel sa Star Cinema movie nga Eerie ug mag-ulohan kini og Eerie Zero. Samtang adunay remake ang fantasy film nga Magic Temple. Ang tsika, si Metro Manila Film Festival Best Director Mikhail Red maoy mogama sa maong mga pelikula. Si Red ang direktor sa Deleter nga naghimong best actress kang Nadine Lustre.

Nag-unongay?

Nagbonding ang managhigalang Sofia Andres ug Elisse Jocson kauban ang ilang isig ka anak. Ang duruha gidudahang nagbuwag na ug ang ilang isig ka partner. Nitumaw ang pagduda nga buwag na si Sofia ug Daniel Miranda human nga wala sila nag-uban niadtong pasko ug bag-ong tuig. Si Elisse ug McCoy de Leon sab giintriga human nga nag-upload og hulagway kauban ang iyang anak ug nagkanayon nga timan-an unta sa bata nga love niya kini hangtud sa hangtud.

Ayaw'g apil-apil

Gitubag ni Sunshine Dizon ang usa ka commenter sa iyang post nga niakusar niya nga nandaot og tawo. Una niini, may post si Sunshine kabahin sa usa ka lalaki nga scammer, apan iya kining gi-delete ug nangayo siya og dispensa ngadto sa mga nadaway. Buot lamang niya pa nga makabaton og wake up call ang maong lalaki. Dinhi na siya gihagit sa commenter nga magpagawas og ebidensya inay manaot. Apan tubag ni Sunshine, "Wag makikisawsaw malinaw na sinabing YOU KNOW WHO IM TALKING ABOUT kung di mo kilala di para sayo ang warning. Kung kilala mo naman mag demanda ka." Giklaro sab ni Sunshine nga dili si Timothy nga kanhi niya bana ang iyang gipasabot gumikan kay bisan paman og aduna silay mga panagsumpaki, kanunay kining maayong amahan ngadto sa ilang mga anak.