Nakauyab na

Gibutyag ni Maureen Wroblewitz nga aduna na siyay "someone" karon, apan nagdumili una siya pagpaila niini. Sa tukmang panahon na matud pa. Apan nagduda ang PEP nga ang gipasabot ni Maureen mao ang iyang kauban didto sa Siargao sa nilabay nga bulan. Si Maureen ug JK Labajo ang kanhi magkarelasyon apan nagbulag sila pipila ka bulan na ang nilabay human sa tulo ka tuig nga relasyon.

Dili pa karon

Mobalik sa It's Showtime si Vhong Navarro apan dili pa karon. Kini suma pa ni Ogie Diaz kinsa nahinabi na ang aktor/host human kini naka pyansa alang sa iyang temporaryong kagawasan gumikan sab sa kasong rape nga iyang giatubang. Suma ni Ogie sa iyang latest vlog: "Pero sa ngayon, ini-enjoy niya nga muna 'yung kanyang mag-iina. Katulad 'yung mga anak niya na medyo dinapuan din ng anxiety, ng depression mula nung ang kanilang ama ay nakulong kaya ngayon ay ini-enjoy nang bonggang-bongga ni Vhong 'yung kanyang mag-iina lalo na 'yung kanilang mga kids.”

Unta sila gyud

Giampo gyud matud pa ni Rodjun Cruz nga ang iyang manghod nga si Rayver ug si Julie Ann San Jose ang magkadayon. Feeling sab gyud niya nga sa kasal ang ending sa duruha. Apan kun kanus-a, ang Ginoo lamang ang nasayud. Boto kaayo siya kang Julie Ann, kay niya pa, susama kini sa iyang igsuon nga puno sa talento apan labihan ka mapaubsanon.