Crown Ready!

Daghan nang naghinamhinam alang kang Justine Felizarta nga pambato sa Pilipinas alang sa Miss Tourism World 2022 didto sa Vietnam ugma puhon. Kini kay bisan asang angguloha matud pa tan-awon, raynahunon gyud si Justine. Kun binabaay lang, dili sab gyud magpa-iwit ang dalaga nga naggikan sa Marikina City. First Princess si Justine sa Miss World Philippines niadtong June. Gitudlo siya nga representante sa Pilipinas alang sa nahisgutang international pageant sa nilabay nga bulan. Alang kang Justine, dream come true alang kaniya ang maong kahigayunan sanglit dugay na niyang pangandoy nga mahimong pambato sa Pilipinas sa usa ka international contest.

Bayring utang…

Pangutana karon sa netizens kinsa kaha nga higala ni Janno Gibbs ang gikatahong magtukod og negosyo, pero wala pa makabayad sa utang niini ngadto kaniya. Post ni Janno sa IG: Yung nabalitaan mong magtatayo ng negosyo ang friend mo; pero di pa nagbabayad ng utang sayo." Gisukipan kini niya og greeting nga nagkanayon: "Magandang tanghali #beshbayadmuna."

Shaina balik ASAP

Gikapoy matud pa si Shaina Magdayao human nag-tape og dance performance niya nga ipakita sa ASAP karong Domingo, December 11. Apan hilabihan ka mapasalamaton sa iyang kasingkasing kay nahibalik na siya sa ASAP stage human sa pito ka mga tuig nga wala makalugwa sa maong show. "Me right now. Kapuy (Pagod), but my dancer heart is happy. Heart is overflowing with gratitude for the warm ‘welcome back’ of my ‘ASAP’ family and my ever so encouraging and supportive G-Force family. Still feels like a dream though. So yes, I am officially back this December 11. So much love. Thank you. Still on a high from last night’s taping," tipik sa post niya sa IG.