"King Arthur, The Musical" nagkadoul na!

Pipila na lang ka adlaw  , masaksihan na ang pagpasundayag sa "The Path to Avalon : King Arthur, The Musical" nga mahitabo  karong Nobyember 26 ug 27 diha sa Centerstage sa  SM Seaside City.

Ang maong musical kay molanat og kapin sa duha ka oras   ug gi-produce kini sa Alba Music Productions.

Si  Roldan Sagan Ardines ang direktor sa maong proyekto, samtang ang musika sa presentasyon  kay gidumala nila ni  Jim Donnachie ug Trevor A. Holmes.Ang usa sa mga bida niini nga si Shim Dagatan kinsa nidala sa papel ni King Arthur  ,nagkanayon  nga dakong garbo alang kaniya nga malakip sa usa ka dakong proyekto .

Matud pa niya nga gi-todo gyud niya ang pagtoon   kalabot sa kinabuhi ni King Arthur aron mahatagan gyud niya ang hustisya ang pag-arte niya sa entablado.

Laing modala sa karakter ni King Arthur isip alternate sa show mao si Felmar Bruces.

Giatngan usab ang hugyaw nga performance sa award-winning Cebuana actress nga si  Ligaya Rabago kinsa modala  sa karakter ni Lady of the Lake Vivienne.

Gipasigarbo sa Alba Music Productions ang maong proyekto gumikan kay nagpakita  kini kun unsa ka banggiitang ang mga Sugbuanon sa natad sa dula sa entablado.

Ang ubang  mga bitoon niini kay naglangkob nila ni Ma. Shaina Mahipos, Iohanni Marie Beltran (Lady Guinevere), Genreid Estrada Timothy Bascara (Lancelot), Mark Anthony Magtajas,CJ Seville (Mordred)Joana Marie Modesto, Mary Darlene Rusiana,Gemar Pardenilla (Lady Morgana) Dave Feril, Jan Michael Lao (Merlin the Wizard) ug Joshua Andrino ( Kilgarrah The Dragon).

Nalakip pud sila si Eljen Juezan Bernales (Young Arthur) Arnel Pahang ( Ector) Sol Eugenio (Agravaine)Jhon Paul Fajardo, KB Perez (Kay) Lyndon Goc-ong (Bedivere), Zennith Rivera (King Leodegrance), Yesha Suralta, Alexa Vito (Valaria), Chriscelle Crispe Rubia,Cris Rheanne Sacay (Handmaiden),Rinzon Elarcosa (Thomas) ug, Doc Eli Tecson (The Bishop). Ang nidala  isip  knights, servants ug townsfolk kay gilangkoban nila ni John Lloyd Geluano, Jan Eiroll Ponla, EJ  Ardines Tago ,Dan Boaquin, Harvey Lubas, Salve Christine RequinaAlyssa Mae Barangan ug Hannah Abelgas.