Love is Us... ng Kapuso ipinagdiwang ang tunay nakahulugan ng pagmamahalan

Sumentro sa tunay na kahulugan ng pagmamahal ngayong Kapaskuhan ang pinakabagong Christmas Station ID (CSID) ng GMA Network na Love is Us This Christmas.

Ipinalabas na nitong November 6 ang full-length CSID video kung saan tampok ang pinakamaniningning na Kapuso artists at personalities sa pangunguna nina Jessica Soho, Dingdong Dantes, Michael V, Heart Evangelista, Dennis Trillo, Alden Richards, Bea Alonzo, at Marian Rivera.

 Makikita sa holiday video ang mga Kapuso habang nag-aayos ng Christmas tree at wine-welcome sa kani-kanilang tahanan ang kanilang mga pamilya, kaibigan, at fans.

Talagang na-miss ng lahat ang mga ganitong pagtitipon noong mga nakalipas na taon dahil sa pandemya.

Bahagi na ng tradisyon ng GMA at viewers ang Christmas station IDs. Paraan din ito ng network para magpasalamat sa natatanggap nitong mainit na suporta mula sa mga Kapuso fans lalo na nga at mayroon na silang 95 TV stations sa Pilipinas.

Una nang ni-release ang lyric video ng newest holiday theme song na  Love is Us This Christmas kasama sina Julie Anne San Jose, Christian Bautista, Aicelle Santos, Mark Bautista, Maricris Garcia, Garrett Bolden, Jeremiah Tiangco, Anthony Rosaldo, Thea Astley, Mariane Osabel, XOXO, Zephanie, at Vilmark Viray.