Ruffa, nagsalita sa totoong ‘relasyon’ nila ni Yilmaz

Nilinaw ni Ruffa Gutierrez na walang-wala talagang balikan sa kanila ng ex-husband niyang si Yilmaz Bektas na binisita kamakailan ng mga anak nilang sina Lorin and Veniece sa Turkey. “Marami kasing mga website ngayon na parang may Ruffa-Yilmaz loveteam. Na kung kelan kami naghiwalay, parang gusto namang magkabalikan kami,” natatawang paglilinaw ni Ruffa sa interview para ipakilala siya formally bilang Chief Executive Officer ng Gutz and Glow.

“Ba’t ganyan mga Pilipino, ‘di ba, ‘pag together kayo, gusto kayong maghiwalay. And then, when you guys are hiwalay, they wanna put you back together,” dagdag niya.

At sarado na ang usapan “feeling ko, wala na talagang balikan na mang­yayari. I’m sorry to disappoint the fans but I don’t wanna play any games, ‘di ba? Siguro, the only balikan na mangyayari is talagang as co-parents to the kids and to have a healthy relationship. Pero in terms of romantic or magpapakasal ako sa kanya ulit, wala na,” paniniguro niya pa.

Kaya’t maling-mali raw ang mga sinasabi ng ibang magkaayos sila ng dating mister though hindi niya alam kung may bagong asawa na ito. “Pero my gosh, Lorin and Venice are already 18 and 19, they’re not two years old, ‘di ba? They’re already young adults. So, I think, mali rin ‘yun na magkabalikan just for the sake of the kids who are now adults.

“Kaya maling-mali ‘yun. Kailangan, kasama mo ‘yung tao na mahal mo and you know, it shouldn’t be just because of the kids,” dagdag pa niya.