Adbokasiya nila ni Jelay ug Buboy

CEBU, Philippines — Nahimoot og maayo ang netizens ngadto sa Kapuso stars nga sila si Jelai Andres ug Buboy Villar gumikan sa adbokasiya niini ilabi na sa pag-atiman sa mga hayop.

Ang duha maoy dinapit sa ikaupat nga anibersaryo sa Pawssion Project, usa ka non-profit organization nga nag-atiman sa mga gipang-rescue nga hayop.

Nag-trending sulod na sa pipila ka adlaw ang mga hulagway nga naka-post sa Facebook page sa Pawssion Project,kun diin nitambong  sila si Jelai ug Buboy  sa  “hotdog party” sa mga gipang-rescue nga iro. Gikatahong nidonar sab ang duha og sinako nga cat ug dog foods sa maong animal rescue center.

Birthday wish alang sa uyab

Mapasalamaton sila si  Loisa Andalio ug ang iyang uyab nga si  Ronnie Alonte sa tanan nga suking viewers sa ilang TV series nga "Love in 40 Days" .

Kahinumdoman nga naputos sa mga positibong komento ang maong programa.

Sa laing bahin , gisaulog ni Ronnie ang iyang birthday dili pa lang dugay.

Ang birthday wish Loisa alang kang Ronnie kay nagkanayon ," Siyempre ‘yung maabot niya ‘yung mga pinagdadasal niya palagi at ‘yung mga goals niya. Ipagpatuloy niya lang ‘yung pagiging mabuting ehemplo sa mga kabataan, sa mga taong nakapaligid sa kanya."

Gipasigarbo ni Loisa ang mga kalamposan nga nakab-ot sa iyang boyfriend.

"Isa siyang inspirasyon sa maraming tao, sa akin din, sa mga kamag-anak niya, sa pamilya niya, sa mga kaibigan. Sobra akong proud ako sa’yo," dugang  pa niya. 

Rabiya ug Andrea nauyonan ni Ian

Nakadayeg og maayo si Ian Veneracion  sa iyang  mga kapares sa  action-drama series nga “One Good Day” nga sila si Rabiya Mateo ug Andrea Torres. Matud pa sa aktor nga tulin ra kaayo katrabaho ang nahisgotan nga mga aktres. Gani kahibalo gyud kini morespeto sa  oras sa ilang taping.

Nalakip usab sa maong proyekto sila si Aljur Abrenica ug Joel Torre.

Suportado sa asawa

Todo suporta si  Andi Eigenmann sa pag-aktibo og balik sa iyang bana nga si  Philmar Alipaya sa pagsalmot og surfing competition.  Bag-ohay lang nisalmot si  Philmar sa  26th Siargao International Surfing Cup.

“Ona sa tanan gusto ko mag pasalamat sa ako asawa na way undang na support dako! Love you mahal ko @andieigengirl. ...," tipik sa IG post ni Philmar. —Sanden J. Anadia

"The Right One " gisumsoman

Gikilig og maayo ang fans nila ni Ruru Madrid ug Bianca Umali human niulbo ang hungihong nga engaged na ang ilang mga idolo.

Nag-post ang mag-uyab sa ilang tagsa-tagsa ka mga  Instagram account og ," I Found the Right One' .

Makita usab ang hulagway sa tudlo ni Bianca kun diin nakaturok ang singsing .

Dunay mga pagduda nga engagement ring ang gisulb-ob ni Bianca.

Sa comments section, nagbaha ang mga mensahe gikan sa ilang mga higala nga puwerting lipaya sa giingong kalamboan sa ilang relasyon.

Trending ang iningkitay sa ngabil

 Nag-trending og maayo sa social media sa miaging gabii  ang kissing scene nila ni  Joshua Garcia ug Janella Salvador  sa pantaseryeng 'Darna' sa ABS-CBN.

Tungod sa maong eksena , nabanhaw ang hugyaw nila nga chemistry nga unang nilutaw kaniadto  sa karaang Kapamilya series nga The Killer Bride. Panawagan sa ilang fans nga inigkahuman sa Darna , hatagan unta og follow-up project sila si Joshua ug Janella.