‘Ayokong mag-sour grape’

Alam mo ba, Salve, na-sad din ako na hindi na ako member ng PAMI (Professional Artists Managers Inc.).

Kasi marami rin naman happy memories sa akin ang organization pero mas mabuti ngang tahimik na sila na wala na ako ro’n.

Sana nga magbalik na si Shirley Kuan sa PAMI dahil wala na ang bully na sinasabi niya.

At least hindi ako na-expel dahil plastic ako, or isang member na laging nagtsitsismis ng isang co-member dahil sa inggit, or dahil nanulot ng talent ng ibang manager.

Technical reason ang dahilan. Ayaw kong matawag na ‘sour graper,’ kaya tanggapin ko nang maluwag sa loob ang expulsion.

Will it make me less of a person ‘pag walang PAMI? Or will it make better?

Whatever, basta alam ko na may mga member pa rin na naging totoo sa akin, marami ang plastic lang, at okey na magsama-sama sila ngayon para maging kumpetensiya ng Orocan, hah hah.

For my real friends in PAMI, salamat, doon sa mga plastic, enjoy. Sana magkaroon na ng trabaho ang mga talent n’yo para maka-get kayo ng komisyon. At huwag tsismis ang inaatupag n’yo.

Lambingin n’yo na uli na magbalik-PAMI si Shirley para kumpleto kayo, big loss sa inyo na mawala ang English speaking British accent na bonggang member.

Wala na ang Lolita, mag-enjoy na ang mga plastikada, hah hah.

Start na ako sa research team para mamulot ng pang-blind items.

Hahaha.

ALLTV, maraming ipakikilalang talents

Magiging very busy na ang ALLTV ng mga Villar.

Mag-uumpisa na sila ng pagpapakilala ng talents starting this month. At very busy na rin sila sa pagkuha ng contents at ilang manpower na magpapalakas ng kanilang network.

Bongga talaga dahil alam mo naman all-out ang Villar ‘pag pumasok sila sa isang bagay. Sure na magugustuhan nila na makita na accepted ng viewers ang bago nilang network.

Bongga dahil talagang fresh na fresh at talagang bagong ideas ang kanilang ibibigay.

Hintayin n’yo now kung sino ang stars na ibibigay nila sa inyo.

Exciting talaga. Totoo ba na sina Toni Gonzaga, Ruffa Gutierrez, at marami pang iba ang naka-line up sa stars ng ALLTV?