Vietnam ang rayna!

Pakyas si Gabrielle Basiano sa iyang tinguha nga makaangkon og back-to-back win ang Pilipinas sa bag-ohay lamang nahuman nga Miss Intercontinental pageant didto sa Egypt. Si Miss Vietnam Le Nguyen Bao Ngoc maoy gikorohan sa Pinay nga si Cindy Obenita isip bag-ong Miss Interconti-nental. Si Mariela Pepin sa Puerto Rico ang first runner-up, gisundan nila ni Cecília Almeida de Sousa sa Brazil, Joy Raimi Mojisola sa Nigeria, Tatjana Genrich sa Germany, ug Emmy Carrero Mora sa Venezuela. Nasulod si Basiano sa Top 20.

Bawal nega…

Gihangyo ni Sunshine Cruz ang netizens nga dili pabahaan og negative comments ang iyang mga post. Buot lamang niyang happy ug malinawon ang tanan. Naggumikan kini kay may usa ka netizen nga napungot nga wala matud pa siya tagda sa aktres dihang nakit-an kini niya nga nag-taping niining bag-o lang. Pasabot ni Sunshine, patakaran sa GMA7 nga dili una mopaduol sa mga tawo sanglit naka bubble taping sila busa higpit pa ang health protocols nga gipatuman.

Kim ug Paulo, pasok!

Sila si Kim Chui ug Paulo Avelino ang makauban ni Diamond Star Maricel Soriano sa comeback teleseries niini sa ABS-CBN. May mga fans nga nipadayag sa ilang kahinam nga magkuyog na gyud sa labing unang higayon sila si Kim ug Paulo sa usa ka project. Nisamot pa ang ilang kalipay nga subling makita sa ABS-CBN si Soriano, kansang katapusang proyekto mao ang toptrending series nga Ang Sa Iyo Ay Akin kauban sila si Iza Calzado ug Jodi Sta. Maria.Courtesy of IG accounts: missintercontinentalofficial  ug gabriellebasiano

Pagbiya ni Liza ug Vice…

Subling giklaro ni Ogie Diaz sa vlog interview ni Christine Bersola-Babao kaniya nga wala gyud siya nalain nga nibiya na sa iyang poder ang iyang mga bigtime talents nga sila si Vice Ganda ug Liza Soberano.

Sa maong interview, gibalikan ni Ogie nganong napunta niya si Vice kaniadto. Suma pa niya, ang It’s Showtime host gyud matud pa ang nangusog nga siya maoy mamahimong talent manager niini. Mao kining panahona nga magsige pa siya og laag sa comedy bars sama sa Punchline ug Laffline diin maatlan niya si Vice nga maoy mo-perform. Bag-o pa lamang siya nga talent manager niadtong tungora.

“Si Vice Ganda una kong naging kaibigan noong ako ay madalas pumupunta ng Punchline at Laffline, siya yung nakaset. Pag nakikita niya ako,  “ay ayan na pala ang aking future manager’ pero wala sa isip ko.

“Lalapit siya sa akin, ‘mama kailan mo ba ako imamanage? Kasi nandyan na sina Pokwang, si Pooh, si Chokoleit, si Gladys, si K Brosas, ihandle mo na ako.’ Sige subukan natin kasi mahirap naman di natin masasabi kung ano mangyayari bukas di ba so siyempre ako nagsisimula palang ako bilang manager,” ni Ogie ngadto kang Christine.

Human sa lima ka tuig nga panag-uban, wala na morenew og kontrata si Vice kaniya. Nakasabot ra matud pa siya niini.

“Ganun talaga, di ba wala naman permanente sa mundo ang importante lang ay na maintain yung friendship. Nung una hindi kami nagkikibuan [ni Vice] but everytime nakikita niya ako, siya una lalapit,” pagbutyag niya.

Kabahin kang Liza, giangkon ni Ogie nga ganahan unta siya nga mo-renew kaniya ang nahisgutan, apan plano gyud niini nga makasulod sa Hollywood, butang nga wala siyay kapasidad paghatag niini. Nibalhin na si Liza sa Careless Music, ang record label ni James Reid, diin bag-ohay lamang siyang nag-shooting sa iyang labing unang Hollywood movie.

Matud ni Ogie, bisan og natapos na ang ilang propesyonal nga relasyon ni Liza, dili matud pa kinahanglang tapuson nila ang ilang panaghigala.

“Bakit tatapusin yung relasyon? Unang una hindi naman naging masamang bata si Liza. pangalawa, ang laki ng natulong sa akin ni Liza, pangatlo ipinagkakautangan ko ng loob si Liza dahil nabuhay ang anak ko dahil sa kinikita ko sa kanya... Aarte ka pa ba?” paambit pa niya.

“Sa panahon ngayon kung ikaw ay nag tanim ng galit, ng tampo sa tao kasalanan mo yun sa sarili mo. kasi pinili mo sumama ang loob,” ni Ogie pa. Courtesy of IG account: ogie_diaz

Pag-ampo, Paningkamot, Pasensya

Nauyonan sa netizens ang gipaambit nga istorya ni DJ Chacha, o Czarina Balba sa tinuod nga kinabuhi mahitungod sa pag-antos nga giagian nila sa iyang pamilya sa wala pa sila hingpit nga nakaangkon og kaugalingong balay.

Suma pa sa kanhi Pinoy Big Brother housemate, dili lalim ang ilang mga sakripisyo, pag-antos nga gisagubang, maayo na lamang kay manggiluy-on niya pa ang Ginoo sa mga tawo nga nagtinarong diha sa ilang mga buhat.

“Bago kami nagkaroon ng sarili naming bahay naranasan rin naming makitira sa bahay ng Parents ko…Naranasan din naming mag-rent ng studio type apartment na ang tanging laman ay isang kama na walang bedframe, 1 lamesa at 2 upuang gawa sa plastik,” niya pa sa iyang IG post niining bag-o lang. Gipaambit niya nga ang ilang balay ug condo unit, maimpas na nila pagbayad sa February 2023.

“Buti na lang nakinig ako sa asawa ko na wag magmadali, na wag mainggit sa ibang mga taong may sarili ng bahay. Kaya habang hinihintay namin yung perfect timing, wala kong ibang ginawa kung hindi magtrabaho, mag-ipon at magdasal,” niya pa. Courtesy of IG account: _djchacha