Josh ni Kris, sweet sa pinoy fans
![Josh ni Kris, sweet sa pinoy fans](https://media.philstar.com/photos/2022/10/15/josua_2022-10-15_22-18-15.jpg)
Um-attend kami ng A Night of Soul Music concert ng The Stylistics sa Saban Theater sa Beverly Hills, California noong Friday night at nanood din ang panganay na anak ni Kris Aquino na si Josh.
Kilalang malapit si Josh sa producer ng show na si Nathaly Rosalie, kaya pumunta siya roon.
In fairness, ang mga Pinoy na nanood din ng concert na ‘yon ay panay ang pa-picture kay Josh.
At siyempre, as always, ang sweet ni Josh sa mga nagpapa-picture sa kanya.
Bongga!
Grupo ni Gigi De Lana, na-stress sa working visa
As you read this, nagaganap na ang kick-off show ng Domination US concert tour ni Gigi de Lana at ng The Gigi Vibes Band sa The Alex Theater sa Glendale, California kung saan special guest si Carlo Aquino.
Pero may nagkuwento sa akin na medyo stressful daw ang pagpunta sa Los Angeles, California ng grupo.
Dapat ay noong Thursday pa ang alis nila papuntang LA, pero hindi raw kaagad lumabas ang working visa nila, kaya Friday morning na sila nakaalis ng Pilipinas.
May isang kasama sa nasabing tour ang nagkumpirma ngang Thursday last week pa sila nainterbyu para nga sa mga working visa nila, pero late na nga lumabas ‘yun kaya na-reschedule ang flight nila pa-LA.
Tsk... tsk... tsk...
May isang concert tour din sa Amerika na late ang pag-a-apply ng working visa ng grupo, kaya ang ending, ‘yun dapat na kick-off show nila ay hindi natuloy at nabawasan nga sila ng show.
Dahil sa ganoong pangyayari, maraming mga promoter ngayon ng shows sa Amerika ang gustong mag-apply na kaagad ng working visa para sa mga artista’t singers sa kanilang mga show para walang bulilyaso at hindi sila kinakabahan.
Anyway, ang maganda lang sa Domination US concert tour, mabenta ang tickets no’n, kaya happy raw ang mga producer.
Bongga!
ASAP tickets, maraming perks
Mabili ang platinum ($350) at gold ($250) tickets para sa ASAP Natin ‘To Las Vegas show on Nov. 5.
Pero hindi lang naman sa main show may access ang platinum at gold tickets holders. Marami pa silang benefits sa mahal ng presyo ng tickets nila.
May access sila sa Nov. 4 rehearsal at may pa-meet & greet na rin.
May giveaways din sila ay kung anu-ano pa, kaya sabi ng mga taga-TFC (The Filipino Channel), magmadali na sa pagbili ng platinum at gold tickets.
Bongga. ‘Yun na!
- Latest