Congrats,  Doll House!

Nagmaya ang kasingkasing ni Baron Geisler human hingpit nga nag-number one sa Netflix Philippines ang iyang latest movie nga giulohan og Doll House sukad pa niadtong Domingo sa gabii.

Hinungdan nga mapasalamaton kaayo ang post sa actor sa iyang FB nga nagkanayon: “We did it Yumi!! Di ka man pumasa sa audition, pumasa naman tayo sa puso ng mga kababayan natin worldwide.

“Maraming salamat po sa inyong lahat at dahil po sainyo ay nag #1 po kami sa Netflix at nag trending pa ang #DOLLHOUSE

“To God be the glory, honor and praise!!

“We love you at #1 po kayo sa puso namin.

“from Tito Clyde and Yumi.”

Clyde/Rustin ang ngalan sa karakter ni Baron sa maong pelikula, ug Yumi sab ang ngalan sa karakter sa batang bida nga si Althea Ruedas.

Ubos kini sa direksyon ni Marla Ancheta ug iyaha sa MAVX Productions. Gigama didto sa Netherlands, istorya kini sa usa ka amahan nga gibiyaan ang iyang pamilya kay gipili niya ang magbanda dinhi sa Pilipinas.

Drug addict si Rustin, nga nakaamgo nga dili pa diay siya andam nga mamatay gumikan kay aduna pa siyay unfinished business, hinungdan nga nibalik siya sa Netherlands, ug nahibaw-an niya nga naminyo na diay ang iyang kanhi asawa, apan namatay kini gumikan sa road accident kauban ang bana niini, tulo ka tuig na ang nilabay.

Nangita siya og paagi nga maduol sa iyang anak, busa ni-apply siya nga babysitter ni Yumi, sanglit ang uyuan sa bata wala man nakaila kang Clyde. Apan nabutyag ang iyang pagpa aron ingnon dihang nakita sa iyaan sa bata ang dagway ni “Pogi” nga nagpailang Clyde nga mao diay si Rustin, ang amahan mismo ni Yumi.

 Lakip sa cast sa Doll House sila si Mary Joy Apostol, Phi Palmos, Alwyn Uytingco, Ricardo Cepeda, Katreena Beron, ug Izah Hankammer.

Ang maong pelikula maoy bugtong Pinoy movie sa Top 10. Ang ubang nasulod sa Top 10 mao ang The Redeem Team (2), Mr. Harrigan’s Phone (3), Luckiest Girl Alive (4), Last Seen Alive (5), Beyond Skyline (6), Kidnap (7), Sing (8), Pan, (9) ug XXX The Return of Xander Cage (10).

Nangatawa ug Nanghilak

Standing ovation ug masipang mga pakpak ang nadawat sa pelikulang May-December-January human sa red-carpet premiere niini niadtong Lunes. Ang maong pelikula gibituonan nila ni Andrea del Rosario, Kynch Minemoto ug Gold Aceron. Ubos kini sa direksyon ni McArthur Alejandre ug sinuwat ni National Artist for Film and Broadcast Arts Ricky Lee. Iyaha kini sa Viva Films ug isalida na sa mga sinehan lukop nasud sugod karong adlawa. Istorya kini sa usa ka inahan nga nakauyab og batan-on, apan iyang gibuwagan sanglit nainlab ang iyang anak nga lalake ngadto sa iyang uyab. Suma pa sa post sa Viva, nangatawa ug nanghilak ang nanan-aw sa maong pelikula. Si Andrea sab nga nahinabi sa PEP Cabinet Files, niingon nga dako niyang garbo nga nalakip siya sa maong pelikula, ug wala siya nagdahom nga ingon niadto diay ka maanindot ang mao nilang pelikula. “I am truly overwhelmed. I never thought that the movie would turn out like that. Wonderfully written, directed and edited. May mga umiyak, may mga tumawa. Roller coaster of emotions pala ang movie,” ni Andrea pa.

Andam  mag-cameo

Dili pa gyud mobalik si Iza Calzado sa showbiz sanglit mabdos man siya. Apan iyang giingnan ang iyang manager nga kun magkinahanglan og mabdos nga babay, andam siya nga mag-cameo appearance. “I want to see myself on screen as the pregnant woman.’ Because when else? Totoo ha. Yung hindi prosthetics,”niya pa. Nahibalik na sa nasud ang 40-year old actress human sa ilang bakasyon sa United Kingdom. Kasamtangan niyang gi-promote ang K-Love nga makita sa Viu sugod sa Biyernes, October 14. Istorya kini sa mga managhigala nga mahiligon og k-drama. Romcom ang maong series, kay ni Iza pa, dili siya ganahan og heavy drama kay dili kini makaayo sa iyang gisabak.

 Dili lalim

Us aka bulan sa dili pa ang New York Marathon, gibutyag ni Pia Wurtzbach nga may mga gisagubang sab gyud siyang kakulian nga nakaapekto sa iyang mental health.  “I faced a lot of setbacks the past few months...di ko lang shinare kasi kinabahan ako   I was worried I couldn’t do the marathon anymore cos I got sick twice and previously got Covid. I missed training days and some of those essential long runs so I was really worried. My performance suffered. I couldn’t get the mileage in, and I was slower than before. Mabagal na nga ako bumagal pa lalo. And nobody ever mentioned na mentally maaffect ka rin pala sa ganon. When you miss those long runs or you fail at reaching goals during training, you get so disappointed in yourself to the point of wanting to give up. Durog ang confidence mo, wala ka nang gana.” Apan mopadayon siya gumikan sa suporta sa mga tawo nga nakapalibot kaniya. Malipayon niyang gipahibawo nga 32K na ang iyang nadagan, ug masaligon ang iyang coach nga mahuman gyud niya ang 42K.