Mr. Pogi na si Carlo, ibinunyag sa MPK ang mga pinagdaanan!
Tampok ang life story ni Mr. Pogi 2019 Carlo San Juan sa bagong episode ng real life drama anthology na #MPK o Magpakailanman.
Si Carlo pa mismo ang gaganap sa kanyang sarli sa episode na pinamagatang Ang Driver na Mr. Pogi.
Bago manalo sa male beauty pageant ng Eat Bulaga na Mr. Pogi noong 2019, nagtatrabaho si Carlo bilang isang tricycle driver.
Isa siyang college student na nakapasok sa ilalim ng athletic scholarship kaya kailangan niyang magtrabaho para sa kanyang sariling allowance at iba pang gastusin sa paaralan.
Ano pa ang mga pinagdaanan ni Carlo bago niya nakamit ang tagumpay bilang isang artista?
Abangan ang kanyang kuwento sa brand new episode na pinamagatang Ang Driver na Mr. Pogi, September 17, 8:15 p.m. sa #MPK.
Naka-livestream din nang sabay ang episode sa GMANetwork.com, sa YouTube account ng GMA Network at sa Facebook at TikTok accounts ng #MPK.
Loisa, gising na!
Gising na si Jane (Loisa Andalio) at hindi na siya multo!
Wala na sa coma si Jane kaya pwede na niyang gawing “official” ang relasyon niya kay Edward (Ronnie Alonte) pagkatapos nilang mag-aminan ng feelings sa Love in 40 Days, na napapanood gabi-gabi sa Kapamilya Channel, A2Z, at TV5.
Hindi na hadlang sa pag-ibig nina Edward at Jane ang pagiging multo nito noon dahil nakakapag-usap sila nang normal at nahahawakan na nila ang isa’t isa. Bago pa man magising si Jane, nangako na rin sila na habambuhay nilang mamahalin ang isa’t isa.
Ngunit nasa matinding panganib ang kanilang relasyon. Nadadala na kasi sa kahibangan ang ex-girlfriend ni Edward at kapatid sa ama ni Jane na si Valerie (Zabel Lamberth), kaya determinado siyang paghiwalayin sila at tinangka niya na ring patayin si Jane.
Sunud-sunod pa ang kanilang mga pagsubok kapag nalaman nilang kasabwat pala si Andrea (Mylene Dizon), ang ina ni Edward, sa isang malaking insurance scandal. Matagal nang nakikipagtulungan si Andrea kay Marco (Ahron Villena), isang boss ng insurance agency na may matinding galit kay Jane, upang magnakaw ng malaking halaga ng pera.
Maaari ring may kinalaman si Andrea sa tangkang pagpatay kay Jane noon. Malalagpasan kaya nina Jane at Edward ang mga problema? Mapapatawad ba ni Edward si Andrea kapag nalaman niya ang mga krimen nito?
- Latest
