Unsaon pag-inom?

Gi-upload kini ni Lovi Poe kagahapon. Kuha kini didto sa Como, Italy.

Dili pa siya Miss Universe Philippines niini. Gi-upload kini ni Celesti Cortesi niadto pang January 31, 2021. Aduna lamang kini 3, 391 likes, itandi sa iyang latest post upat ka adlaw na ang nilabay diin nakaangkon og 23, 199 likes.

Nakasabot ang management

Wala nay kontrata si Derek Ramsay sa GMA7. Suma pa niya sa zoom interview sa PEP, nagkasinabot sila sa management ug taas matud pa siya og respeto sa mga kadagkuan sa network. Aduna pay usa ka tuig ug tunga nga nahibilin sa iyang kontrata, apan nakasabot matud pa ang GMA7 nga dili na siya ganahan mag-showbiz ug nga malipayon siya sa iyang kinabuhing minyo kauban si Ellen Adarna. Nagdumili siya pagbutyag kun gibayran ba niya ang nahabilin nga tuig ug tunga sa iyang kontrata sanglit “confidential” matud pa kini.

Wow, Marco!

 Mulugwa na sa September 20, pinaagi sa Singapore streaming app nga MeWatch ang season one sa teleserye ni Marco Gumabao nga giulohan og, “The Girl He Never Noticed.” Mao kini nga project ang rason nganong nawala og usa ka bulan si Marco dinh sa nasud sanglit nagbase siya sa Singapore alang sa taping sa maong teleserye nga adunay walo ka episodes. Leading lady ni Marco ang Malaysian actress nga si Tess Pang nga nihulagway niya nga “ridiculously good-looking”. Nasayran nga gibase sa sikat nga novel sa Wattpad nga mao gihapon ang titulo ang istorya sa maong teleserye. Sinuwat kini sa Filipino author nga si  Neilani Alejandrino, diin nakaangkon kini og 221 million views sa Wattpad. Istorya kini sa usa ka bilyonaryo nga gikumbinse ang iyang secretary nga magpa aron ingon iyang hinigugma.