Labyu... Nina Coco at Jodi, may NDA sa shooting!

Marami kaming friends na mano­nood ng kick-off show ng FPJ’s Ang Probinsyano:Pasasalamat Tour USA on Oct. 1 sa Sycuan Casino sa El Cajun, California.

Kasama ni Coco Martin sa tour na ‘yon sina Michael de Mesa, Raymart Santiago, at iba pa. Special guest naman niya si Jodi Sta. Maria na siya ring leading lady niya sa 2022 Metro Manila Film Festival official entry na Labyu with an Accent.

Ang alam nga ng isang source namin, Sept. 27 ang dating nila sa Amerika at magsu-show muna ng Oct. 1 at sa Oct. 5 daw ang start ng shooting nina Coco at Jodi.

Maraming lugar sa Amerika na pagsu-shooting-an ng filmfest entry nina Coco at Jodi, pero inaalam pa namin kung may shooting din ba sila sa Honolulu, Hawaii dahil may show sila roon ng Oct. 23.

Tatlo pa lang sa shows ng FPJ’s Ang Probinsyano: Pasasalamat Tour USA ang naka-announce dahil may iba pa raw na hindi pa sure ang venue like sa Las Vegas, Nevada on Oct. 15.

Mag-a-announce na lang daw ng tungkol doon.

Anyway, marami kaming mga nakausap na excited na makita sina Coco, Jodi at iba pang mga kasama nila. May nakapagchika na rin sa akin kung saan titira ang grupo, pero bawal daw sabihin.

Actually, ang dinig ko nga, may NDA (non-disclosure agreement) daw ang mga namamahala sa shooting ng Labyu with an Accent sa Amerika para walang mag-leak agad na kuwento tungkol sa pelikula nina Coco at Jodi.

‘Yun na!

Martin, may jet lag pa

Naku, Ateng Salve, ang bongga lang dahil sa Wednesday ay grand opening ng Doon Thai restaurant ni Ms. Anna Puno sa #936 Dolores St., Malate, Manila, huh!

Siyempre, invited ang ilang stars and singers na malapit kay Anna.

Ang alam ko, ang stars ng kanyang Threelogy 2.0 USA Concert Tour (second leg na) na sina Christian Bautista, Morissette Amon at Erik Santos ay dara­ting doon.

In fairness, successful ang first leg ng Threelogy USA Concert Tour kaya tama lang na ulitin ‘yon ni Anna, huh!

Teka! Si Martin Nievera kaya ay makarating din doon lalo na at may jet lag pa ang Concert King dahil padating pa lang siya ng ‘Pinas bukas?

Well...

Anyway, si Anna rin ang promoter ng Gary V: Re-energized US Tour na magsisimula sa Sept. 30 sa Tacoma, Washington at magtatapos sa New York City on Oct. 23. Dalawa na nga sa shows ni Gary Valenciano ay sold out na, ang Oct. 1 sa Cache Creek Casino Resort sa Brooks, California at ang Oct. 8 show sa Pechanga Resort Casino sa Temecula.

Walang Las Vegas, Nevada ang Gary V: Re-energized US Tour dahil may ASAP Natin ‘To Live in Las Vegas show on Nov. 5.

Bongga!