Lolong, ayaw tigilan sa book 2!
Nangunguna pa rin ang Lolong ngayong 2022 ayon sa datos ng Nielsen Phil. TAM mula January hanggang Sept. 4.
Yup, ang serye pa rin ni Ruru Madrid ang nangunguna.
Sabi nga, numbers don’t lie at kahit saan ka magpunta ay Lolong na rin ang bukambibig ng mga manonood.
Nitong Linggo lang (Sept. 4), dumagsa ang mga Kapuso sa ginanap na meet and greet with Lolong himself – Ruru – at ang BFF niyang si Dakila sa isang mall sa Antipolo.
Makikita sa Facebook posts ng GMA Public Affairs ang dami ng supporters na matiyagang naghintay para makasama si Ruru.
Mapa-chikiting man o young at heart ay nag-enjoy sa harana ni Lolong.
At siyempre, hindi mawawala ang picture taking!
Mismong si Ruru pa ang lumapit sa fans para makipag-selfie sa kanila bilang remembrance.
Madami na ang humihiling ng book 2 ng Lolong pero as of now tutok muna sila gabi-gabi tuwing 8:00 p.m. sa GMA at 9:40 p.m. sa GTV!
- Latest
