‘God is good’

Ewan ko kung bakit pumasok sa isip ko si Jopay, Salve.

Naisip ko kasi kung ano ang katayuan niya sa Home for the Aged dahil nga ako na sobra sa arte sa konti lang nararamdaman.

Sana tulad ko spoiled din si Jopay sa mga nakapaligid sa kanya, sana rin nandu’n pa ang motivation niya.

Nagtataka talaga ako kung nasaan ang mga pamangkin ni Jopay na lagi niyang ipinagmamalaki, ‘yung mga pamangkin niya na mahal na mahal niya.

Wala kayang space sa lugar nila para tirhan ni Jopay at kailangang nasa Home for the Aged siya maglagi ngayon?

Hindi natin alam ang dahilan pero sana, nasa mabuti siyang kalagayan. Continue looking at the good side, Jopay.

Eh ako talaga parang teleserye na ang pagkakasakit ko. Pati nga ang favorite dog ko na si Jokjok parang celebrity na dahil kasali na siya sa comments. Katawa dahil para bang national concern na ang mga pangyayari sa amin ni Jokjok.

Naku talagang bored na ang tao, wala nang magawa kaya pati ibang tao meron na silang pakialam.

Huwag lang sobrang harsh, ok lang, pero ‘yung sobra na, siyempre wah ko feel.

Anumang desisyon ko sa buhay ko, akin iyon, walang pakialam ang iba. Kanya-kanya tayong buhay, remember, kaya may line na dapat huwag nating i-cross dahil iyon lang ang limit. Your life is your life, my life is my life.

Kaya behave noh!