Malampuson nga Mutya ng Cadaruhan
CEBU, Philippines — Katorse ka mga maanyag nga mga taga Baranggay Cadaruhan sa Lungsod sa Borbon ang nagtigi sa Mutya ng Cadaruhan. Kini maoy labing unang higayon nga gihimo ang maong kompetisyon sa nahisgutang barangay.
Nahimo kining labing dako nga selebrasyon sa kapistahan sa Barangay Cadaruhan sanglit human sa pila ka tuig nga walay kalingawan tungod sa pandemya, karon pa man nahibalik ang pagtapok tapok atol sa ilang kapistahan.
Dakong kalipay sab ang gibati sa Fiesta President ug Barangay Cadaruhan Baranggay Councilor Alma Mondigo human nga nahimong malampusom ang maong kompetisyon.
Ang katorse ka mga kandidata maoy nag representar sa 14 ka purok sa Cadaruhan.
Migawas nga mga mananaug mao silang Vecenta Marie Lagumbay nga maoy Mutya ng Cadaruhan 2022, Lhiz Neah Garcia isip First Runner up ug Arjean Kiseo nga maoy Second Runner-up.
Gipasundayag sab sa maong indigay sa kaanyag ang Daruhan Festival sa Barangay.
- Latest
