Walay stress
![Walay stress](https://media.philstar.com/photos/2022/08/15/2_2022-08-15_23-39-43.jpg)
CEBU, Philippines — Wala pa nakita ni Denise Laurel ang iyang kaugalingon nga musulod og bag-ong relasyon. Suma pa niya sa interview sa Star Magic News, ang nakanindot sa single mao nga, “Less stress, less hassle, less worrying about juggling so much of my time.” Mas mapadayag sab niya ang iyang kaugalingon sa gusto niyang pamaagi ug mas daghan siya og oras alang sa iyang anak. Matud sa usa sa mga bituon sa Flower of Evil, kun maoy pagbuot sa Ginoo nga makabaton siya og bag-ong relasyon, mahitabo ra gyud kini mosugot siya o sa dili. Apan karon, mas ganahan siya nga single siya.
Daog ang Probinsyano
Sama sa gipaabot, nangharos sa ratings game ang finale episode sa FPJ’S: Ang Probinsyano ni Coco Martin niadtong Biyernes. Nitala og 16.6% nga rating sa NUTAM ang maong ABS-CBN series nga nanamilit na sa ere human sa pito ka tuig. Gipilde niini, ang Lolong sa GMA7 nga nakakuha og 14.8%. Gipilde nila ni Coco hasta ang 24 Oras nga nitala og 16.5%. Daghan ang nagpaabot unsay sultada sa Darna nga nilugwa na sa Kapamilya Channel, A2Z ug TV5 kagabii, isip hulip sa Ang Probinsyano.
Balhin la’g channel
Kalma ra ang resbak ni Kim Atienza sa usa ka netizen nga nagtinguha nga mo-resign ang TV host sanglit dili na siya buot makakita niini sa telebisyon. Matud sa Kapuso star, “May remote control naman….change channels.” Sunod-sunod ang disgusto sa netizens kang Kim, sukad nga nibalhin siya sa GMA7 gikan sa ABS-CBN.
Nindot ang role
Subling gipadayag ni Alden Richards ngadto sa PEP nga gidawat gyud dayon niya ang role nga “good boy” sa GMA7 Pinoy adaptation sa Korean series nga Start Up, sanglit lahi kini sa kasagaran niyang mga characters. Matud ni Alden, bag-o kini alang niya sanglit kasagaran sa iyang mga roles kaniadto nagsugod isip makaluluoy. Apan isip good by sa Start Up, sa sinugdanan pa lamang istrikto na daan iyang karakter. Ang nakanindot pa kay bisan ingon niini ang personalidad sa iyang karakter, makabatyag gihapon kini og gugma, apan dili lamang makamaong mopadayag. Gawas pa, excited siya makahibawo unsay reaksyon sa viewers sa Pinoy version ilabi na nga malampuson kaayo ang maong kdrama.
Banggiitan ang direktor
“An Inconvenient Love,” ang title sa umaabot nga pelikula sa DonBelle o sa loveteam nila ni Donny Pangilinan ug Belle Mariano ubos sa Star Cinema. Kining maong pelikula maoy labing una nga movie sa maong film outfit nga isalida sa mga sinehan sukad nagpandemya. Batan-on ug bag-o ang ilang director, apan dili basta-basta og abilidad. Kini mao si Petersen Vargas. Siya maoy director sa short film nga Lisyun ang Geografia, sa Cinemalaya Independent Film Festival diin nidaog siya isip best director niadtong 2015. Director sab siya sa BL series nga Hello, Stranger ni Tony Labursca ug JC Alcantara. Siya sab ang director sa pelikulang How To Die Young In Manila niadtong 2020 diin gisalida kini sa Busan International Film Festival ug Singapore International Film Festival.
Nakuyawan apan excited
Naghinamhinam apan nakulbaan si Francine Diaz sa umaabot niya nga teleserye sa ABS-CBN, nga mao ang Dirty Linen, diin makauban sab niya si Seth Fedelin.
"'Yung magiging challenge sa akin is 'yung character ko of course pero 'yung challenge rin kasi is 'yung 'pag makaka-eksena ko siyempre magagaling at mga bigating artista 'yung makakasama namin dito sa Dirty Linen pero excited ako,” nagkanayon siya sa interview sa Star Magic News.
Lakip sa mga beterano nga makauban ni Francine dinhi ug maoy iyang mga maka eksena puhon sila si Janice de Belen, Soliman Cruz, Susan Africa ug Joel Torre. Naa sab sila si Janine Gutierrez, JC Santos, Christian Bables ug Zanjoe Marudo.
"Kinakabahan ako na excited. Kinakabahan dahil parang ang tagal bago ako ulit bumalik sa serye dahil kailan ba 'yung Bola-Bola (her previous series)? Parang February pa or March. Pero excited ako kasi meron akong mga bagong makakasama and I'm sure marami silang maituturo sa akin pagdating sa acting at siyempre another family and friends," niya pa.
Mas bug-at gyud matud pa kining maong proyekto itandi sa Bola Bola. Challenging sab ang iyang karakter niining maong teleserye.
"Para siyang maraming personality pero hindi sa point na nag-iiba siya ng anyo ha? Kasi di ba may iba don sa mga movies na kapag sinabi mo na ito 'yung unang personality mo na bata, siya magiging bata rin talaga siya. Pero 'yung sa akin naman mas nag-iiba kung paano siya makitungo kapag kasama niya 'yung family niya, kapag kasama niya 'yung friends, 'pag mag-isa na lang siya, at kapag talagang basag na siya so I think iyon 'yung magiging challenge sa akin.”/
Now showing: Abs!Marian Rivera
Niabot na og 151, 690 likes ang naangkon niining maong hulagway sukad gi-upload ni Marian Rivera sa Instagram niadtong August 2. Kuha kini didto sa Balesin niadtong gisaulog nila ang birthday ni Dingdong Dantes. Courtesy of IG account: marianrivera
Lovi Poe
Usa lamang kini sa tulo ka mga hulagway nga gi-upload ni Lovi Poe kagahapon. Caption niya niini: back...a nemen, sanglit ang primary photo niini mao ang nagtalikud siya. Courtesy of IG account: lovipoe
Marco Gumabao
Usa kining maong hulagway sa gi-upload ni Marco Gumabao sa Instagram niadtong Domingo isip pagsaulog sa iyang 22nd birthday. Naa pa siya sa lock in shooting sa pelikula nga Baby Boy, Baby Girl sa VivaMax.
- Latest