Pamilya ni David Bunevacz, mga international celeb ang dating mga kapitbahay sa Amerika?!

Totoo kayang sa isang maliit na bahay na lang sa Amerika nakatira ang dating actress na si Jessica Rodriguez kasama ang mga anak nila ni David Bunevacz?

Ito ay matapos ang balitang umamin ng guilty si David, former decathlete at lumaban para sa Pilipinas sa Southeast Asian Games, sa dalawang kaso ng $37 million scam na may kinalaman sa cannabis business at maaari itong makulong ng 40 years ayon sa report ng rollingstone.com.

Balitang-balita noon sa mga Pinoy sa California na sa Calabasas, California, nakatira ang pamilya nina David at Jessica at ang yaman daw talaga nito.

Sa Calabasas nakatira ang maraming international celebrity at kilalang personalidad sa Amerika.

At lumabas sa ilang article na kasama sa mga sikat na celebrity na nakatira roon sina Will Smith, Jada Pinkett-Smith, Drake, Kourtney Kardashian, Kris Jenner, Kim Kardashian among others.

Hindi ito ang unang beses na naging controversial si David.

Nasangkot ito noon sa isyu ng nawawalang pera sa isang beauty clinic sa bansa.

Naging ex din nito si Anjanette Abayari.