Keempee, naglabas ng galit!

Ang posting kahapon ng madaling araw ni Keempee de Leon sa kanyang Facebook account.

“Patawarin ako ng Diyos. Minsan lang ako magsalita pero sorry! Tama na! Nakakapagod at sawa na manahimik. Kitang kita naman sa ugali at pagkatao. Wag na mapagpanggap! Dedmahan nalng since ganyan naman gawain nyo natitiis nyo ang tao. Makakaalala lang kayo kung may okasyon???? Pero kalagayan ng tao di nyo naaalala kung ano na etc???? Talaga ba?!?! Salamat nalng, at masaya naman buhay nyo kita naman.... pasalamat nalng kayo lahat na sa inyo na wala kayong pinoproblema at inaalala sa araw araw. God bless nalng. Diyos na bahala sakin wala ng iba (with thumb up, 3 praying hands emojis) #RealTalkLang and #JustBeingREAL.”

Hindi sanay ang Facebook friends ni Keempee na nagra-rant siya.

Nagpadala ako ng message kay Keempee sa kanyang Facebook Messenger na, “Hope you’re ok” na sinagot naman niya ng, “Thanks, Jun.”

Hindi na namin inusisa si Keempee kung ano ba ang pinagdaraanan niya.

‘Yun na!

Sharon, isang araw lang ang pahinga bago balikan ang taping

Alam mo, Ateng Salve, tatapusin lang ni Sharon Cuneta ang two-night concert nila ni Regine Velasquez-Alcasid this weekend at sasalang na siya uli sa lock-in taping ng FPJ’s Ang Probinsyano.

Bale isang araw lang siyang magpapahinga at ayon kay Nancy Yang ng Team Sharon, sa June 20 siya babalik sa lock-in taping ng action-drama series na pinagbibidahan ni Coco Martin.

And yes, sa Ilocos Sur pa rin ang babalikang location ni Sharon.

Kaya pa namang mag-taping ni Sharon dahil July pa ang alis nila ni Regine pa-Amerika para sa US concert tour nila roon.

Sa July 9 ang unang show nila sa Thunder Valley Casino Resort sa Lincoln, California at makakapagpahinga’t makakapamasyal pa sila ni Regine dahil July 15 na ang next show nila sa Copernicus Theater sa Chicago, Illinois.

Seven shows ang gagawin nila sa Amerika na ang last ay sa Benaroya Hall sa Seattle, Washington on July 24.

Kung si Vice Ganda nga pala ay may two-night shows sa Pechanga Resort and Casino on July 2 & 3 para sa US concert tour niya, sina Sharon at Regine ay magpe-perform din sa venue na ‘yon at two nights din sila, July 22 & 23 naman.

Bongga!