"Asian Position"

CEBU, Philippines — Nanakit matud pa ang mga tuhod sa Fil-Italian actor ug kanhi PBB housemate nga si Marco Gallo gumikan sa sex scenes nila ni Rose Van Ginkel sa sexy movie Kitty K7. Kini kay sa eksena nga gitawag og "Asian position", sa mga paa ni Marco nipatong si Rose. First time ni Marco nga mohimo og sex scenes, ug wala pa masayud ang iyang inahan kabahin niining maong eksena nga iyang gibuhat, mao nga kun siya'y pabut-on, dili niya patan-awon ang iyang mama sa maong pelikula.

Bahalag bold star...

Kever, o dili ikasakit ni kanhi Hashtag member Wilbert Ross kun tawgon siya sa iyang kanhi mga ka grupo nga bold star. Ang importante niya pa, aduna siyay trabaho. Human sa iyang unang pelikula nga Ang Crush Kong Curly kauban si AJ Raval, gilaunch dayon siya sa Viva pinaagi sa pelikula nga Boy Bastos. Karon apil siya sa original series sa VivaMax nga High On Sex. Hinungdan nga mapasalamaton kaayo siya sa Viva sa iyang second chance sa sanglit abi niya og natapos na iyang pangandoy sa showbiz human nabungkag ang Hashtags ug nawagtang ang prangkisa sa ABS-CBN.

Career uy

Career ang gipili ni Kylie Padilla dihang gipangutana siya sa usa ka netizen career o lovelife ba. Giklaro sab niya nga co-parenting sila ni Aljur Abrenica sa ilang duha ka mga anak ug wala nagbalik. May mga netizen sab nga nikomentaryo nga mas maayo nga career gyud ang pilion ni Kylie kay nagsunodsunod ang iyang projects human sila nagbuwag ni Aljur. Kasamtangan nga makita sa GMA7 ang comeback teleserye ni Kylie nga "Bolera" diin siya maoy bida.

Late Night Date

Daw tubag sa intriga nga nagbuwag na sila ni Jeric Gonzales, nagpost og sweet photo nilang duha, si Miss Universe Philippines 2020 Rabiya Mateo niadtong Martes sa tungang gabii. Caption ni Rabiya: Late night date.

Bililhon ang Edukasyon

Kinse anyos nagsugod sa modeling ang bugtong Fil-Am nga nahimong Victoria Secret model nga si Kelsey Merritt.

Kini maoy gibutyag niya ngadto kang Vice Ganda sa latest vlog sa maong It's Showtime host. Niadtong 2017, nanimpad siya sa Amerika kay mas daghan siya og oportunidad didto.

"I started here nung 15 ako. Sa Pampanga pa ako nagmo-model. Mga fashion designer. Nang pumunta na ako sa Ateneo for college, nakapag-model na ako sa Manila."

Padayon niya: "You know one of the reasons why nag-work ako ng modeling sa States is I can look like a lot of ethnicities, very ambiguous. Kasi di ba dati may isang stereotype ng mga nagmo-model. So ngayon ang gusto nila iba-iba look. Diverse."

Gipaambit sab ni Kelsey nga usa ka tuig sukad siya ni-istar sa Amerika, nakuha gyud niya iyang pangandoy nga maka rampa sa Victoria Secret fashion show.

"Sobrang nerve-wracking kasi it's my dream, my ultimate dream. Like mga Angels, as in I really looked up to them. I was already signed with an agency in New York. Tapos after college pumunta na ako ng States, 2017 'yun. And nakuha ko 'yung show 2018 after a year of living in the States."

Sa maong interview, giangkon sab ni Kelsey nga nakasinati sab gyud siya nga wala siya madawat.

"Sa start ng modeling. Sa start ng any career naman. Kasi nung nag-start ako dito, I was extra short. [I'm] 5'7 and a half. Pero 'yung mga 6 footer na model nagiging 6'4 kaya maliit pa rin ako." Giingnan ni Vice si Kelsey nga usa sa mga rason nganong daghang ganahan niya mao nga mag tagalog gyud siya kun makahigayon.

"Nagta-Tagalog naman talaga ako when I'm in the Philippines with my family and friends. I lived here most of my life until I was 21. Four years lang ako nandun [sa US]."

Gibutyag ni Kelsey ngadto kang Vice nga paghuman niya og duha ka tuig sa iyang kurso, niistar siya sa New York aron magmodel. Giingnan matud pa siya sa iyang agency kaniadto nga mas maayo nga mag online class siya inay mobalik pa sa Pilipinas aron tiwason ang iyang pagtuon. Apan, mas gipili ni Kelsey nga mobiya una sa Amerika aron mopadayon og tungha dinhi. Gradwado si Kelsey og Communication Arts sa Ateneo de Manila University.