Singaporean series

Lima ka semana nga magbase sa Singapore ang hunk actor nga si Marco Gumabao gumikan kay matud pa sa PEP Cabinet Files, aduna kini original series nga himuon didto sa nahisgutang nasud. Suma pa, handpicked, o wala nag-agi og audition si Marco alang sa maong proyekto sanglit ang Singaporean producers gyud ang nipili niya. Sa Instagram niadtong Huwebes, nag-goodbye si Marco sa Manila, pinaagi sa pagpost og hulagway ug pag-ingon nga aduna siyay something big nga himuon sa Singapore, ug lima ka semana siya nga mawagtang sa nasud.

Naka uyab na

Giangkon ni Raymond Gutierrez sa Superhuman podcast ni Wil Dasovich niadtong June 1, nga aduna na siyay boyfriend karon didto sa Amerika. Nakugang si Wil kay wala siya nagdahom nga ibutyag kini ni Raymond sa maong podcast. Apan matud pa sa anak nila ni Eddie Gutierrez ug Annabelle Rama, walay angay itago, ug kun aduna man gani pagtulun-an nga gihatag ang pandemic, kana mao nga, “to live your life now." Hinuon, wala niya nganli ang iyang bvoyfriend, ug nga private person sab matud pa kini. Dili kaayo tig-post sa social media, ug nakauyon siya niini. Opisyal nga ni-out si Raymond niadtong August 2021 pinaagi sa usa ka magazine article. Apan niya pa, dugay ra siyang out ngadto sa iyang mga higala.

Gikapoy nagtan-aw

Nahuman na kagahapon ang GMA7 afternoon series nga Artikulo 247, diin gipadayag sa usa sa mga bida niini nga si Benjamin Alvez nga labihan ka bug-at sa iyang karakter. Nagkanayon siya sa interview sa PEP, nga isip viewer, gikapoy siya nagtan-aw sa heavy scenes niini. “But it was nice to play it, playing it as an actor for the character, nag-enjoy ako, but then, when I’m watching it as a viewer, nakakapagod siya. But then again, wala naman akong magagawa, iyon talaga yung kailangan for that moment, for the character, pero nakakapagod siya.” Heavy drama ang maong series.