“Panganay” gipaila ni Alice

CEBU, Philippines — Aduna nay hingkod nga anak si Alice Dixson. Kini mao ang iyang “panganay” nga si Sassa nga iyang gipaila niadtong Martes pinaagi sa iyang IG account.

Nagpasalamat siya nga nakasinati siya nga mamahimong inahan makaduha ka higayon.

"Being a mom is a gift. I’ve been very lucky in my lifetime to experience it twice; 1st with Sassa our panganay," niya pa.

Padayon niya, "Nang dumating nabuo ang munting pamilya.

Tho hindi ko sya na-introduce formally when she was a teen kasi napakaprotective ng father nya, pero ngayon na young lady na siya at masters grad pa - the world is now her oyster."

Mensahe niya alang kang Sassa: "I’m so very proud of the woman you are and becoming… beautiful inside and out."

Niadtong April sa nilabay nga tuig, gipahibawo ni Alice nga sa edad nga 52-anyos, nahimo siyang inahan ni Aura pinaagi og surrogacy.

Linibo ang ni-unfollow!

Naibanan og 4k o 4,000 ang followers ni Janno Gibbs sulod lamang sa usa ka gabii. Kini maoy iyang giangkon ngadto sa PEP Cabinet Files kagahapon.

Ang rason niini, mao nga wala makauyon sa iyang political views ang mga ni-unfollow niya. Solid nga kakampink o supporter ni VP Leni Robredo ug Senator Kiko Pangilinan si Janno sa nilabay nga piniliay.

Aminado siya nga maisugon sab gyud ang iyang posts, apan wala matud pa siyay gibasulan sanglit alang kini sa kaayohan sa nasud.

“Yes! Four thousand [followers] in one night. Masyado kasi matapang ang mga post ko about my political views.

“It’s sad but I don’t regret my posts. They are written in good taste and I will never compromise my sentiments over approval, especially for our country,” deklara ni Janno.

Ang nakat-onan ni Janno sa nahitabo mao nga ang mga tawo ganahan gyud nga ang artista kutob lamang sa pag-artista, apan dili uyon ang singer-actor niini.

“People like artistas as artistas, not political influences. Pero kaya nga tayo may social media, to express our true selves.”

Matud ni Janno, magpadayon siya sa iyang pagpadayag sa iyang gibati ilabi na kun may labot sa sitwasyon ug kaugmaon sa Pilipinas.

Fanny Serano, namatay

Nipanaw na ang sikat nga make-up artist, stylist, fashion designer, ug aktor nga si Fanny Serrano niadtong Martes sa gabii, May 10, 2022. Nag-edad siya og 74 anyos.

Ang iyang anak nga si Maktin Miranda pinaagi sa usa ka official statement, ang nikompirma niini.

“It is with a heavy heart to share to everyone that my father, Felix Mariano Fausto Jr. aka Fanny Serrano, has peacefully joined our creator last night, around 9 pm at the comfort of our home.

“The whole family are comforted by the fact that a lot of you are celebrating his life and paying tributes on how he has touched people’s lives,” tipik sa pamahayag sa pamilya.

Kahinumduman nga niadtong March 2021, nahiagom og massive stroke si Fanny ug taod-taod nga nagpundo sa Philippine Heart Center.

Sila si Lorna Tolentino, Amy Austria, ug Sharon Cuneta ang pipila sa mga suod nga higala ni Fanny.