Labaw pa's mapasalamaton

CEBU, Philippines — Ang iyang inahan ug amahan matud pa ang diha sa iyang hunahuna samtang nirampa sa entablado sa Miss Universe Philippines 2022. Kana maoy rebelasyon sa bag-ong nakoronahan nga si Fil-Italian model Celesti Cortesi sa usa niya ka IG post, usa ka adlaw human sa iyang kadaugan.

Suma pa niya, dili mahubit ang matang sa inspirasyon nga iyang natagamtan gikan sa iyang mga ginikanan.

Gihulagway niya ang iyang kadaugan isip bunga sa iyang paningkamot ug pagsalig sa gimbut-an sa Ginoo.

"I’ve worked so hard for this, I’ve prepared. And I let God do the rest in knowing that whatever is meant for me will never pass me by," niya pa.

Unang nakoronahan isip Miss Earth Philippines 2018, isip pambato sa Filipino community sa Rome, Italy, niadtong 19-anyos pa lamang siya, gideklara ni Celesti nga dako na kaayo og kausaban ang iyang pagka siya karon. Niya pa, ni-mature na siya.

Gisaad matud pa niya sa iyang kaugalingon nga mobalik lamang siya og apil og beauty pageant kun andam na siya sa mga responsibilidad sa usa ka rayna kun ugaling palaron nga makadaog.

Gi-intriga kaniadto nga adunay attitude problem si Celesti ug napungot niya ang mga kadagkuan sa Miss Earth Philippines. Wala hinuon makumpirma kun gipalagpot ba siya sa organisasyon, apan wala siya igkita sa mga aktibidad sa maong pageant sulod sa pipila ka bulan.

Wala sab niya napasa ang korona ngadto kang Janelle Tee niadtong 2019. Depensa ni Celesti niadtong higayona mao nga may "very bad allergy" siya atol sa koronasyon.

Karon, nanghinaot si Celesti nga magsilbing inspirasyon ngadto sa mga kabatan-onan ang iyang kinabuhi. Gihulagway niya nga "second chance" ang iyang kadaugan niadtong Sabado.

"Yesterday, I’ve received my second chance and I am beyond honored and grateful to be able to represent my country in the Miss Universe stage. I hope that with my story I can inspire so many to never give up on their dreams because through hard work, perseverance and faith you can achieve anything you want."

Nibalibad og kalit

Nitingog na ang director sa “Asian Persuasion” nga si Jhett Tolentino, nganong kalit nga si KC Concepcion ang nahimong leading lady niining maong Hollywood movie nga kasamtangan na nga nag-shooting didto sa Amerika.

Rom-com movie kini nga gibituonan og kasagaran mga Asian. Bida niini si Dante Basco (Hook), ug apil sab niini ang mga Asian stars nga nakamugna na og pangan didto sa Hollywood sama nila ni  Paolo Montalban (“Cinderella”), Scarlett Sher (“The Hustler”), Kevin Kreider (“The Bling Empire).

Si Tolentino nga usa ka Tony award-winning producer, kinsa misulod na sa natad sa pag-direk og pelikula pinaagi niining Asian Persuasion, schedule ang problema ni Toni.

“Okay, I just want to make this straight. Toni Gonzaga was my first choice. Right. And then two weeks before our pre-production, so mid-February. I got an email from her management saying that she has a conflict or in the schedule,” nagkanayon siya ngadto sa ABS-CBN News. Medyo dismayado si Tolentino sanglit naandam na matud pa ang tanan alang sa paglupad ni Toni paingon sa New York.

“Yung sa akin lang, once you commit tapusin, and then so yun, I started the petition. I paid for her work visa. Nagbayad na kami, and then yun, they gave a notice na hindi siya... conflict of schedule. And ako naman, yeah, I have to admit I panicked a little… Kasi siyempre two weeks before ng pre-prod wala ‘di ba, So kaya ko tinawagan si Sharon, sabi ko, ‘Nasaan ang anak mo?’”

Atua na sa Los Angeles, California nagbase karon si KC, hinungdan nga siya maoy nakasawo dayon sa international project nga alang gyud unta kang Toni. Dakong kalipay ni KC nga nalakip siya niining maong pelikula.

“To be able to perform with them, and including Scarlett, yung anak ko dito, she actually played Constance Wu's daughter sa ‘Hustler’ tapos meron siyang bago ngayon with Gemma Chan. And I feel really excited na naging daughter, daughter ko rin siya,” niya pa ngadto sa ABS-CBN News.

"Celesti Cortesi is a Filipina

Taliwala sa mga pangutana kaniadto pa kun Pinay ba gyud si Miss Universe Philippines 2022 Celesti Cortesi, ni-post og katin-awan ang usa sa mga pageant organizers nga si Jonas Gaffud kagahapon kabahin niini.

Suma pa ni Gaffud, "Filipina" si Celesti. Dinhi siya nahimugso sa Pilipinas. Aduna siyay mga dokumento ug birth certificate nga momatuod niini. Naghupot siya og Filipino passport nga nagamit na niini sa makadaghang higayon.

Matud ni Gaffud, sa dili madugay, mahibaw-an na unya sa publiko ang istorya sa kinabuhi ni Celesti.

Angayan matud pang masayran nganong nibalhin ang pamilya ni Celesti sa Rome, Italy gikan dinhi sa nasud. Ug mahatagan sab matud pa og katin-awan, nganong nibalik sa Pilipinas ang bag-ohay lamang nakoronahan nga Miss Universe Philippine."