Nicole, Herlene, international crown winners
CEBU, Philippines — Lakip ang Sugbuanon nga si Nicole Borromeo sa 40 ka mga kandidata nga magtigi sa upat ka mga korona sa Bb. Pilipinas nga mao ang Bb. Pilipinas-International, Bb. Pilipinas-Grand International, Bb. Pilipinas-Intercontinental, ug Bb. Pilipinas Globe. Gipahibawo sa Bb. Pilipinas Charities Inc., niadtong Biyernes sa gabii ang official candidates karong tuiga.
Dili na bag-o si Nicole sa indigay sa kaanyag dinhi sa Sugbo. Human na first-runner up sa Miss Mandaue 2018, ang lumad sa barangay Guadalupe nga si Nicole nakoronahan isip Sinulog Festival Queen niadtong 2019. Gumikan sa iyang kadaugan, siya maoy representante sa Cebu City alang sa Aliwan Festival ug Eat Bulaga’s Miss Millennial Philippines 2019.
Si Nicole ang na rayna sa maong duha ka mga nasudnong indigay sa kaanyag. Hinungdan nga dili gyud siya mabintahaan ug makompyansaan sa umaabot nga Bb. Pilipinas coronation night. Ubos sa pagdumala sa Origin Model & Artist Management dinhi sa Sugbo, si Nicole nahisakop sa Aces & Queens beauty camp didto sa Manila.
Apan dili sab gyud masayon ang dalan nga subayon ni Nicole sa Bb. Pilipinas karong tuiga. Kini kay lakip sab sa mga kandidata mao ang first runner-up sa nilabay nga tuig nga si Gabrielle Basiano. Apil sab si Roberta Tamondong, ang Miss Eco Teen International winner niadtong 2020. Nalakip sab si Miss Tourism International 2019/2020 Cyrielle Payumo.
Anaa sab sila si Graciella Lehman ug Karen Laurrie Mendoza, kinsa Top 12 ug Top 13 sa nilabay nga tuig. Nasulod sab si Herlene Budol o mas naila isip Hipon Girl ug ang kanhi PBB housemate nga si Diana Mackey, ingon man ang kanhi Viva talent nga si Stacey Gabriel.
Ang kumpletong lista sa 40 official candidates ania ra: Anna Valencia Lakrini, Anne De Mesa, Chelsea Fernandez, Christine Juliane Opiaza, Cyrille Payumo, Diana Mackey, Diana Pinto,Eiffel Rosalita, Elda Louise Aznar, Esel Mae Pabilaran, 11. Ethel Abellanosa, Fatima Kate Bisan, Gabrielle Basiano, Gracia Elizabeth Mendoza, Graciella Lehman, Gwendoline Meliz Soriano, Iman Franchesca Cristal, Ina Patricia Malaluan, Jane Darren Genobisa, Janine Navarro, 21. Jashmin Dimaculangan, Jasmine Omay, Jeriza Uy, Jessica Rose Mcewen, Joanna Day, Joanna Ricci Alajar, Karen Laurrie Mendoza, Krizzia Lynn Moren, Leslie Avila, Ma. Francesca Taruc, Mariella Esguerra, Maru Justinne Punsalang, Natasha Ellema Jung Nicole Borromeo, Herlene Nicole Budol, Nyca Mae Bernardo, Patricia Go,Roberta Tamondong, Stacey Daniella Gabriel, ug Yllana Marie Aduana.
- Latest
