Indecent Proposal

Giangkon ni Jai Agpangan nga nakadawat na siya og indecent proposal gikan sa wala niya gihinganlan nga tawo, nga sa paminaw niya, nailad sa makabibihag niyang mga hulagway sa Instagram. Gitanyagan matud pa siya og P1 million ug mahalong kotse basta mosugot siya nga exclusive nga mamahimong kabit. Apan gibalibaran matud pa niya kay nahadlok siya. Nalingaw lamang siya nga adunay nagka interes niya. Ang pag-angkon ni Jai, giluwatan niya sa vlog interview sa iyang co-star sa Youtube series How To Move On In 30 Days nga si Kyo Quijano. Kauban sab nila sa maong interview ang bida sa series nga si Maris Racal nga niangkon nga ang mga proposal nga iyang nadawat kutob lamang sa date sama sa pagtan-aw og sine, dili sama sa tanyag nga nadawat ni Jai. Suma pa ni Jai mahitungod sa proposal “Actually, message request sa akin. Naka-proposal lahat. Nag-namedrop pa siya ng ibang artista na na-escort-an siya. Grabe, ganun kalala.”

Lalaki nga nimabdos

Giangkon ni Xian Lim nga medyo nakulbaan na siya sa mamahimong resulta sa gitakda nang paggawas na gyud sa una niyang proyekto sa GMA7 nga mao ang False Positive. Sila ni Glaiza de Castro ang mga bida niini, ug sa May 2 na kini mulugwa sa GMA7. Ang Love. Die. Repeat gyud unta ang unang proyekto ni Xian isip kapuso, apan kay nagsabak pa man si Jennylyn Mercado, gihunong una ang pagmugna niini, ug gihulipan niining False Positive, diin lalaki nga nimabdos ang iyang role. Suma ni Xian, nagresearch gyud siya og maayo aron mahatagan niya og hustisya ang iyang role, ug kay dili sab siya buot nga madismaya ang mga nisalig niya ilabi na ang GMA7.