Dimples at mister, hindi inaasahan ang Baby E
Ipinagbubuntis ni Dimples Romana ngayon ang kanilang ikatlong anak ni Boyet Ahmee.
Laking gulat umano ng aktres nang nalaman na muli siyang nagdadalang-tao. “Feeling ko talaga because my body is in good health, it’s very strong right now and I feel great. I think kaya naging mabilis din ‘yung pagkakaroon namin ng baby. I really have been eating good. I lost the unnecessary weight before I even got pregnant. No’ng nalaman ko ‘yung balita as in nagulat ako. Kasi we weren’t even trying. Kasi siyempre kami naman ni Boyet already have Callie and Alonzo. And seven years later, malay ko ba magkakaroon pa ako ng isa pang baby. So we are very pregnant po,” pagbabahagi ni Dimples.
Labingwalong taong gulang na ngayon ang panganay na anak ng mag-asawa na si Callie habang pitong taong gulang naman si Alonzo.
Para kay Dimples ay nakahanda na silang buong pamilya para sa pagdating ng kanilang bunsong anak. “Lahat ng blessings na dumarating sa ‘min ngayon feeling ko came about because alam na rin ng pamilya namin and alam ni Lord na we are physically ready for all the work that we are about to take on. All the challenges that we are about to take on,” giit niya.
Ngayon pa lamang ay pinag-iisipan na nina Dimples at Boyet kung ano ang ipapangalan sa magiging anak. “Baby letter E po ito. So kung ito ay girl or boy, in one week malalaman na ninyo kasi ABCD kami. Alonzo, Boyet, Callie, Dimples, ngayon letter E na ito,” pagtatapos ng aktres.
James, pahinga sa akting
Kasalukuyang nasa Los Angeles, California si James Reid. Ayon sa aktor ay marami ang nag-akalang sa Amerika na siya maninirahan. “As soon as I landed, people were saying that I’d move here for good. But that’s really not the case. I’m only here until April and I’ll be heading home again but I came out here to work on music, meet a lot of people, try and see what doors will open, make a name for myself out here, and make Filipinos proud,” pahayag ni James.
Napapanood na ngayon ang bagong music video ng aktor para sa kantang Hello 2.0 ng Careless Music. Nakatrabaho ni James ang iba’t ibang sikat na personalidad para sa naturang music video katulad ni Jay B ng GOT7 at ang Taiwanese rapper na si ØZI.
Nakabilang din dito ang dating kasintahan ng binata na si Nadine Lustre. I’m really glad that I was able to get Jay B and ØZI to jump on the track. It’s really great to create a track with different Asian acts supporting each other. We were in three different countries so everything we did was online. It was really easy working with them,’” kwento ng binata.
Matagal-tagal nang hindi napapanood si James sa teleserye o pelikula. Sa ngayon ay ang pagkanta at ang pagpoprodyus ng musika ang pinagkakaabalahan ng aktor. “I am working on a lot of music. I’m very excited to release new songs. I’m focusing on music and I’m also excited to get back home. I will be signing co-artists to Careless Music, my music label and will be releasing a lot of music and that’s also what I’m excited for,” pagdedetalye ng aktor. (Reports from JCC)
- Latest
