Pinangga sa GMA 7

CEBU, Philippines — Sunod-sunod ang proyekto ni Myrtle Sarrosa sa GMA7, hinungdan nga may mga panahon matud pa nga buot na niyang ingnon ang iyang handler nga dili usa modawat og projects alang niya. Apan, dili maayong balibaran ang grasya. Human sa teleserye nga “Nagbabagang Luha”, pasok si Myrtle sa Love. Die. Repeat.,diin siya maoy kontrabida. Apan kay nahunong pa man ang taping gumikan kay nagsabak pa ang bida niini nga si Jennylyn Mercado, naa usa siyay hosting pinaagi sa iBILIB. Padayon sab siya sa online gaming diin nasingit niya ang iyang abilidad sa cosplay.

Rey Valera Musical

Adunay gihikay karon nga musical kabahin sa kinabuhi sa sikat nga composer ug singer nga si Rey Valera. Kun ma okay na ang tanan may kalabutan sa pandemic, magpa audition sila alang sa cast niini. Tinguha ni Valera nga malakip si Megastar Sharon Cuneta sa maong musical, ilabi na nga kasagaran sa mga kanta sa nahisgutan mugna sa maong composer. Pipila niini mao ang Mr. DJ," "Kahit Maputi Na Ang Buhok Ko," "Maging Sino Ka Man," "Pangako," ug "Kung Kailangan Mo Ako." Panghinaot sa grupo ni Valera nga mosanong si Mega.

Dili na tanto

Medyo nikalma na ang karakter ni Maxine Medina isip Lorraine Prado sa romantic-comedy nga “First Lady” sa GMA7. Kun sa “First Yaya”, maldita kaayo siya, karon aduna nay kausaban isip PR head sa Malacanang. “Actually, well andun pa din yung pagkakakilala ninyo kay Lorraine, pero this time around, I’m a little bit of like, friendly, but not? Pero iyon ang gusto kong abangan ninyo sa First Lady.”

Gidugang si Dawn

Nadugang sa cast sa Darna: The TV Series si kanhi Girltrends member ug Pinoy Big Brother housemate Dawn Chang. Wala pa madetalye unsay iyang role sa maong serye nga bituonan ni Jade De Leon, apan daghan na siya og hulagway kauban ang pipila ka cast sa maong pantaserye. Gani, si Paolo Gumabao nag-post og hulagway nga kuha sa usa sa ilang mga eksena sa serye, diin naa si Dawn ug Simon Ibarra. Kahinumduman nga nahiagom og bashing si Dawn niining bag-o lang, human siya nipadayag sa iyang kasagmuyo batok sa kanhi host sa PBB nga si Toni Gonzaga.

Gimingaw og Maayo

Naanad na si Mike Tan og lock in taping sanglit nakasinati na siya niini sa “Nagbabagang Luha” ug makadiyot sa Love. Die. Repeat. Apan niya pa, mora siya’g nabag-ohan karon sa lock in taping sa Artikulo 247 diin gimingaw kaayo siya sa iyang asawa ug duha ka mga anak babay. Siguro, niya pa, kay mas nasuod na niya iyang ikaduhang anak. Posibli sab nga gumikan sa iyang kontrabida nga karakter sa umaabot nga legal drama sa GMA7. "Hindi ko alam siguro dahil kontrabida ang ginagawa ko [sa Artikulo 247]. Iba yung iniisip ko, iba yung nire-research ko, iba yung mindset ko."

Dili ibuyangyang tanan!

Human sa iyang sexy roles sa mga pelikula sa VivaMax nga “Taya” ug “Palitan”, ug karon sa “Boy Bastos”, giklaro ni Jela Cuenca ang iyang mga limitasyon.

“Siguro tatanggapin ko naman lahat ng ibibiigay sa akin na role and kaya ko naman siguro basta hindi lang yung sobra, yung wala na akong naitago sa sarili ko. Kasi siyempre kailangan ko din konting may para sa sarili ko. Hindi ko kaya yung all out talaga pero lahat naman ng ibibigay sa akin na project is kaya ko naman huwag lang yung sobra,”

Nerdy girlfriend sa bida nga si Wilbert Ross, ang karakter ni Jela sa Boy Bastos, ug gibida niya ang usa ka eksena nga alegre ug maka relate siya.

 “Yung character ko dito is santo-santuhan pero patay na patay ako sa character ni Wilbert and every time na nakikita ko siya is parang sabik na sabik parang uhaw na uhaw. But in real life hindi naman ako ganun. Naka-relate lang ako dun sa may scene kasi dun na nahuli ko na sila na may ginagawang something and then na-turn off na ako sa kanya. Binigyan ko sila ng bad sign sa kamay and sobrang nakakatawa yung part na yun and na-relate ko lang dun yung sarili ko kasi pag ganun kasi lumalabas talaga ako, parang ganun. Dun lang ako relate (laughs),”niya pa.

Pangandoy ni Jela nga sa umaabot makamugna sab siya og action ug horror movies ug makatrabaho si Maui Taylor.