Myrtle, magre-renew sa kanyang endorsement!

Bongga si Aileen Go ng MegaSoft. Magri-renew pala ng contract si Myrtle Sarrosa bilang Sister endorser ng kanyang kumpanya.

Kaya naman excited sila sa renewal ng contract ni Myrtle na talagang mukha ng MegaSoft.

Pero ang hindi alam ng marami, si Aileen ang parang nanay ni Sandara Park kaya nang nagpunta kami sa Korea ‘di ba Salve, talagang naglaan ng oras si Sandara para makipag-dinner sa atin.

Hitsurang ang hectic ng sked ni Sandara noon, four years ago, talagang join siya sa atin sa dinner.

Kaya suwerte ni Myrtle dahil napakabait ni Aileen at tiyak tulad ng pagmamahal niya kay Sandara, ganundin ang love niya kay Myrtle.

At dahil naungkat si Sandara, isang unforgettable noon ay ang Japanese dinner natin kasama si Sandara.

Isa rin hindi ko malilimutan’yung saya natin habang naglilibot sa mga tourist spot na talagang lahat yata pinuntahan natin dahil nga nasa package tour tayo.

Ang saya ng grupo natin nila Rose Garcia at Budingding (Maria Eleina) kaya naman nag-promise tayong babalik.

Hindi ko rin malimutan ang trip natin sa Jeju Island at doon ay kasama naman natin sina Vinia Vivar at si Lynette Baldivino.

Bongga rin ‘yun, nilibot din natin ang buong Jeju Island.

At siyempre, iba rin ang karanasan ko nung ambassador dun ang father ni Inday Badiday na nagpupunta kami ng Korea pero hindi naman kami naglilibot, at ang mga crush ko pa nun  mga US military dahil sa kampo sa kami dinadala ng father ni Inday Badiday.

Hindi ko pa nadi-discover mga po­ging Oppa, ang dami pala.

Kaya now, naisip ko punta uli tayo ng Korea dahil Oppa hunting ang gagawin natin Salve at Gorgy Rula.

Talagang suyurin natin ang Korea. Hay sana sa lalong madaling panahon.