Gasa sa Ginoo

CEBU, Philippines — Answered prayer alang kang Rodjun Cruz ang iyang umaabot nga teleseryeng "Little Princess" sa GMA7, sanglit hingpit na gyud siya nga usa ka leading man. Si Jo Berry ang bida sa maong series ug siya ug si Juancho Trivino ang leading men. Suma pa niya, iyang giampo nga unta hatagan siya og leading man role aron mas daghan pa siya og ma-inspire. Ang nakanindot pa kay nagkatrabaho na sila ni Jo kaniadto para sa usa ka episode sa Wish Ko Lang, ug nag-joke pa siya nga basin muabot ang panahon nga magka teleserye silang duha, diin si Jo ang bida ug siya ang pares.

Hmmm...may something

Na-intriga ang netizens kun dili na ba friends sila si Billy Crawford ug Vice Ganda. Kini human nabantayan nga wala na nila gifollow ang usa'g usa sa Instagram. Wala say nabalita nga nagka deperensiyaay sila. Kanhi magkatrabaho sila si Vice ug Billy sa It's Showtime kaniadto.Apan sa nilabay nga tuig nibalhin si Billy sa blocktime program sa TV5 nga Laugh At Loud nga direktang kaatbang sa It's Showtime.

"Maraming first time"

Excited na si direk Cathy Garcia Molina kay first time niya nga adunay entry sa Metro Manila Film Festival. Kini mao ang "First Love At First Stream", nga puros newcomers ang bida sama nila ni Kaori Oinuma, Daniela Stranner, Rhys Miguel, ug Anthony Jennings. "Excited, excited to this especially extra challenge kasi pandemiya. First time ko sa MMFF, first time during pandemic, first time na magbukas ng mga sinehan, and first time with my four actors who are very good. Maraming first time."

One month ra

Sa November 27, ang lock in taping nila ni Xian Lim ug Glaiza de Castro alang sa GMA7 primetime mini-series nga "False Positive" nga ubos sa direksyon ni Irene Villamor. Usa ka bulan kini nga isalida sugod sa January 2022. Bag-ohay lamang nahuman si Xian sa shooting sa horror movie "Bahay Na Pula" didto sa Mindoro nga konsepto ug ubos sa direksyon ni Brillante Mendoza. Sila si Marco Gumabao ug Julia Barretto ang co-stars ni Xian.

Dili laayon

Nakulbaan gyud matud pa si Wynwyn Marquez ug naghinamhinam pud dihang gipahibawo na ang mga entry nga magtigi sa umaabot nga Metro Manila Film Festival. Kini kay mga dagkong artista gyud ang mga bida ug tataw nga gipangandaman og maayo. Hinungdan nga labihan niyang lipaya human nasulod ang iyang indie movie nga "Nelia" isip usa sa official entries. Masaligon siya nga nindot gyud ang maong salida ug dili gyud laayon ang mga motan-aw niining maong suspense thriller diin nurse ang iyang role.