"From wildcard to Miss Intercontinental 2021!"

Rayna ang pambato sa Pilipinas nga si Cinderella Faye "Cindy" Obeñita sa Miss Intercontinental 2021 pageant nga gipahigayon didto sa Egypt niadtong Biyernes sa gabii (kadlawon dinhi sa Pilipinas).

Gipilde ni Cindy ang kapin 70 ka mga kandidata gikan sa nagkadaiyang mga nasud sa kalibutan. Si Cindy ang ikaduhang Pinay nga nakalangkat sa maong titulo. Si Karen Gallman nga gikoronahan isip Bb. Pilipinas Intercontinental 2018 maoy unang nakalangkat sa maong titulo atol sa international pageant nga gipahigayon didto sa Manila niadtong January 2019.

Halandumon ang maong kadaugan ni Cindy sanglit nasulod siya sa semi-finals round sa Bb. Pilipinas isip wild card candidate. Gani ang congratulatory greetings sa BPCI--organizer sa Bb. Pilipinas-- human sa kadaugan ni Cindy didto sa Egypt, nagkanayon:  "From wildcard to Miss Intercontinental 2021! Your Cinderella story is truly inspiring.

Thank you for raising our flag, Cindy! Good morning, Pilipinas from our new Miss Intercontinental!

Ang mga runners-up ni Cindy naglangkob kanila ni Paulina Uceda sa Mexico (1st), Romy Simpkins sa United Kingdom (2nd), Kelly-Mary Anette sa Seychelles (3rd), Kaitlyn Li sa Canada (4th), ug Maria Paula Castillo Lopez ng Colombia (5th).

Gihugyaw sa 25 anyos nga tourism officer-- nga lumad sa Cagayan de Oro City--ang mga hurado pinaagi sa final question diin gipangutana siya kun importante ba nga maayo mo iningles ang usa ka Miss Intercontinental. Matud ni Cindy, dili kinahanglan, kay ang importante mao ang unod sa gisulti.

Ang kompletong pangutana mao kini:As an international ambassador, do you believe that speaking English is important for Miss Intercontinental? Why or why not? Ang kompleto niyang tubag: "As an ambassador, I don't think that speaking a specific language is very important here in Miss Intercontinental or any pageant at all. As long as that woman is a woman of power and grace, commitment and intelligence, no matter what language she speaks.

And that woman is actually a woman of style and substance, then she can win any pageant or any endeavor she is into.

I have learned here in Miss Intercontinental that a woman should posses the power of substance and I believe I am that woman because that is an essence of a modern day Miss Intercontinental that we are living in a world wherein its very hard to survive, and as Miss Intercontinental, I would like to be that source of hope, that source of inspiration, on the true power of beauty and that is felt in the kindness of hearts and sincerity of our loving actions.

Shukran,

Sharm El Sheikh!"

Daghang nakabantay nga familiar ang maong pangutana.

Kini kay susama kini sa pangutana nga gibato sa fashion photographer nga si Nigel Barker ngadto sa Pinay nga si Janine Tugunon kinsa napili nga Miss Universe first runner-up 2012.