Birthday gift

Nanghatag og gamayng ayuda si Eric Santos sa mga jeepney driver sa Malabon niining bag-o lang. Agi kinig pagsaulog sa iyang 39th birthday sanglit wala man siyay party gumikan usab sa health protocols. Suma ni Eric, naluoy kaayo siya sa mga driver nga labihan nga naapektuhan sa pandemya. Malipay matud pa kaayo ang drivers kun makadawat bisan ginagmay lang nga tabang.

Mapasalamaton kang Lander

Nagpasalamat si Baron Geisler ngadto kang Lander Vera Perez nga maoy iyang roommate sa ilang lock in taping sa weekly mini-series sa Viva Films ug makita sa TV5 matag Sabado, ang Di Na Muli. Kini kay na depress matud pa siya kay gimingaw sa iyang asawa. Si Lander matud pa ang niabag niya, nagdasig niya kanunay sama sa paghagad niya nga magbasketball sila aron dili siya laayon. Nibarog matud pa si Lander nga iyang kuya, ug giisip siya niini nga manghod.

Dili patyon

Dili matud pa mamatay ang karakter ni Aiko Melendez nga Kendra Fajardo sa Book 2 sa GMA7 series, Prima Donnas. Kinahanglang manamilit ni Aiko sa show sanglit magpapili siya pagka konsehal sa Quezon City. Pagklaro niya ngadto sa PEP:  "Hindi mawawala character ko... pero hindi ko matatapos yung show which airs 'til next year.Kasi nga tatakbo ako, so they adjusted everything naman. Kaya malaki pasasalamat ko sa GMA-7 dahil dun."