Sa Amerika na mupuyo

Gibutyag ni Comedy Queen Ai Ai delas Alas nga sa Amerika una siya mo-istar sa higayon nga mahuman na ang The Clash Season 4. Kini kay buot niya nga mamahimo na gyud nga citizen didto, busa asikasuhon niya ang iyang green card nga niadtong 2014 pa niya nadawat. Human niini, petisyonan niya iyang bana nga si Gerald Sibayan busa adto una sila manimuyo sa Amerika diin usa sa ilang plano mao ang pagbaton og anak pinaagi sa surrogacy. Suma pa ni Ai Ai, mouli lamang siya sa Pilipinas alang sa The Clash puhon. Hinungdan, nga may tsika nga gibalibaran matud pa ni Ai Ai ang bag-ong show nga gitanyag sa GMA7 ngadto niya.

Kataw-an ka

Gikataw-an ni PBA player Sol Mercado ang usa ka netizen nga nikomento nga layo ra ang iyang hinigugma karon nga si Sandra Lemonon itandi sa iyang ex nga si Denise Laurel. Suma pa ni Sol ngadto sa netizen, kataw-an kini kay nagbuot-buot gyud og yawit bisan wala siyay nahibaw-an. Una niini, gibutyag ni Sandra niadtong Miyerkoles nga uyab na sila ni Sol ug malaumon siya nga sila na gyud ang magkadayon kay ang basketbolista na gyud ang alang niya ang gitagana sa kapalaranan kaniya. Gitubag sab kini ni Sol og pasalamat ingon man birthday greeting sanglit sumad sa adlawng natawhan ni Sandra adtong adlawa. Kanhi beauty titlist si Sandra. Katapusan niyang pageant ang Miss Universe Philippines sa nilabay nga tuig diin lakip siya sa finalists. Si Sol ug Denise na-engaged niadtong 2013, apan nagbulag sila niadtong 2016. Kanhi siya player sa Ginebra ug “free agent” pagkakaron.