Mas importanti ang friendship

CEBU, Philippines —  “Open secret naman before, alam ng mga tao, alam ng mga barkada namin na may gusto ako kay Julia. Pero never ako talagang gumawa ng kahit na anong move dahil ayokong masira ang friendship namin. Para sa akin, mas importante ang friendship naming dalawa." Mao kini pagklaro ni Marco Gumabao ngadto sa PEP Cabinet Files kabahin nila ni Julia Barreto. Pares sila ni Julia sa weekly drama anthology sa TV5 nga Di Na Muli nga makita matag Sabado sugod ugma puhon.

International na

Malakip sa usa ka international production si Iñigo Pascual. Usa siya sa mga bida sa musical drama nga "Monarch" nga proyekto sa Fox. May makauban siya nga Hollywood stars.

"Masalimuot, madilim"

Giangkon ni Diamond Star Maricel Soriano pinaagi sa iyang vlog nga nahisalaag gyud siya kaniadto human nipanaw ang iyang inahan nga inahan nga si Rosalinda Dador Martinez,gumikan sa cardiac arrest niadtong 2009. Nahugno matud pa ang iyang kalibutan sanglit ang iyang mama ang iyang kasandigan. “Hindi ko matanggap. Nakalimutan kong mag-escape. Ibang escape ang napuntahan ko.Napunta ako sa escape na gloomy, masalimuot, madilim. Mag-isa ka lang.Hindi maganda. Malungkot ako para sa sarili ko,” nagkanayon siya, apan wala na nidetalye unsay iyang gipasabot.

"Back to regular programming"

Human sa iyang pagtambong sa New York Fashion Week, human usab sa trending niya nga pagpa interview kang Boy Abunda kabahin sa panagbuwag na nila ni Paolo  Contis, inanay na nga aktibo sa Instagram si LJ Reyes nga atua karon sa Amerika. Kagahapon nag-repost siya og hulagway niya nga nag-workout online kauban ang iyang coach. Caption niya niini: “And we’re back to regular programming [laughing face with tears, laughing face with sweat emojis]. Pursigido sab siya pag-market sa iyang negosyo nga hygiene essentials didto sa New York.

Huboay gyud

Wala naproblema si direktor Darryl Yap sa pagkumbinsi sa Fil-Italian actor kabahin sa pagpakita niini'g sampot sa pelikulang Ang Manananggal Na Nahahati Ang Puso, kauban si Aubrey Caraan ubos sa Viva Films. Gipangutana matud pa niya ang kanhi PBB housemate kun mag-unsa sila kun maligo didto sa Italy. Tubag matud pa ni Marco, maghubo tanan. “Ang Europeans daw, mostly ganoon maligo and they don’t care talaga kasi medyo hindi malisyoso ang mga tao doon.“Tinanong ko siya kung gusto niyang mag-plaster. Huwag na raw dahil masakit pa at may maglalagay pa [og plaster].” Tsika sa direktor ngadto  sa PEP.

Hingpit na gyud nga natuldukan ang hataas nga negosasyon nga nagsugod sa naghinapos nga bahin sa nilabay nga tuig, human pormal na nga nipirma og kontrata si Lovi Poe isip labing bag-ong kapamilya kagahapon.

Una niini, ni-post og pasalamat si Lovi para sa  GMA7, pinaagi sa iyang Instagram account. "Mananatili sa puso", ang caption niya sa iyang hulagway, diin gipsalamatan niya ang GMA7 nga nahimo niyang pinuy-anan sulod sa 15 ka mga tuig. Matud ni Lovi, dako siya og utang kabubut-on sa Kapuso Network kay nisalig kini sa sama niyang wala pa hiilhi sa publiko 15 ka mga tuig na ang nilabay.

 Unya, damtan og mga usa ka oras, nag-post og laing hulagway si Lovi, nga may caption, "Para sayo,papa." Anak ni anhing Fernando "Da King" Poe, Jr. si Lovi.

Human niini, nitaak na siya didto sa ABS-CBN building sa Quezon, City diin giandaman siya og red carpet. Pong pang Lovi: "I had butterflies in my stomach. Iba 'yung feeling nung tumapak ako dito as a Kapamilya. Before heading here I was very nervous because I'm  suddenly stepping into a whole different world. I'm just very grateful."

"I'm very blessed to have worked with some of the best actors in GMA. Now I feel like it's time to work with the best of the best of ABS-CBN."

Project with Piolo

Human nipirma og exclusive contract si Lovi sa ABS-CBN, nisunod sab og pirma og kontrata ang nibalik nga kapamilya hunk actor nga si Piolo Pascual, gikan sa hamubo niyang paglugwa sa blocktime program Sunday Noontime Live nga gisalida sa TV5.

Dinhi na gipahibawo nga ang Pinoy adaptation sa Korean series nga Flower of Evil ang unang proyekto ni Lovi sa ABS-CBN ug si Piolo maoy iyang unang makatrabaho.

 May tsika sab nga may himuon nga proyekto si Lovi kauban si Coco Martin ug aduna may ikatulo sab nga project nga usa ka sikat nga kapamilya actor sab ang iyang makapares.

Naghinamhinam si Lovi niini sanglit wala pa niya nakatrabaho ang mga nahisgutan.

Samtang gawas sa panagpares nila ni Lovi, may himuon sab matud pa nga romantic-comedy series si Piolo kauban si Angelica Panganiban, tsika nga nakapalibog sa mga tigpabalita sanglit managsama ang duruha nga nideklara kaniadto nga dili na sila muhimo pa og teleserye.

Katapusang teleserye ni Piolo mao ang Since I Found You adtong 2018 kauban si Arci Munoz. Pagkasunod tuig, nideklara si Piolo nga moretiro na siya sa paghimo og teleserye ug nga pelikula, product endorsements ug pagproduce og movies na lamang ang iyang buhaton. Samtang katapusan nga teleserye ni Angelica ang Walang Hanggang Paalam diin sa usa ka presscon sa nilabay nga tuig iyang gideklara sab nga dili na siya muhimo pa og teleserye.

 Kabahin kang Lovi, katapusan niyang proyekto ang romantic comedy Owe My Love sa GMA7 kauban sila si Benjamin Alves ug Rocco Nacino. Samtang bag-ohay lamang sab nabalita nga adunay himuon nga Hollywood movie si Lovi nga mag-ulohan og The Chelsea Cowboy. Sa sunod bulan sugdan ang shooting.

Si Lovi, Janine Gutierrez ug Paulo Avelino nga kanhi mga kapuso ug karon puros na mga kapamilya, mga talents ni Leo Dominguez. Aduna pay laing talent si Dominguez nga nahabilin sa GMA7. Siya mao si Solenn Heussaff.