Table Love, magkakaroon ng season break!

MANILA, Philippines — Magkakaroon ng season break ang lifestyle show ni Chemist Pinky Tobiano na Table Love by Pinky. At mapapanood muna sa huling dalawang episodes nito sina Dr. Vicki Belo at si Mayor Chavit Singson bilang kanyang mga guest.

Napapanood sa TFC, ang Table Love by Pinky ay isang tablescaping program na nais ipagmalaki at ipagdiwang ang small wins natin sa buhay, alalahanin ang mga paborito nating karanasan, at pagsaluhan ang mga pagkakaibigan sa pamamagitan ng mga table design na ihahain nito.

Mula sa mga bahay ng mga celebrity tulad nina Francis Libiran at KC Concepcion, o sa mainit na pagtanggap sa programa nina Tim Yap at ng mga Pangilinan; mula sa napakagandang white shores ng Boracay, o sa self-pampering vibe ng The Farm at San Benito, hanggang sa cozy at modern ambience ng mga bagong bukas na restaurants, dinala ng programa ang mga manonood sa iba’t ibang adventure na ‘di lang pang-laman tiyan, kundi pambusog-mata rin!

 Nakasama rin niya sa nagdaang 12 episodes ang ilan pang mga bigating stars na sina Ruffa Gutierrez, Erik Santos, Yeng Constantino, Alex Diaz, Nicole Cordoves, Markki Stroem, Jason Dy at Roxie Baeyens.

Naibahagi rin dito ang mga nakakakilig na love story ng mga celebrity couple na sina Moira dela Torre at Jason Marvin pati na rin sina KZ Tandi­ngan at TJ Monterde.

At sa dalawang season-ender episodes nito, dadalhin naman ng Table Love sa isang makulay na festive Spring motif, habang kakuwentuhan ang nag-iisang Dr. Vicki Belo ngayong darating na Sabado, Sept.  11, 2021. Maki-joy ride naman sa kanilang finale ngayong September 18, 2021, bida ang former Governor now mayor na si Mr. Chavit Singson sa isang one-on-one talk.