Tinuod baya

CEBU, Philippines — Daghang niuyon sa Facebook post sa Sugbuanong si Dionne Monsanto kagahapon. Ang uban nikatawa kay tinuod matud pa iyang post. Nagkanayon siya,"Pansin ko lang, yung mga maldita/masama sa TV/films, okay in real life. Pero karamihan sa mga binuild up na pacute at paawa, in real life parang mejo tagilid ano po." Niretiro na sa showbiz si Dionne ug atua na nagbase sa Switzerland kauban ang iyang bana. Kanhi siya PBB housemate ug ang labing sikat niya nga karakter mao ang pagdala niya sa papel nga Madam Lucy sa afternoon series sa ABS-CBN nga Tubig at Langis nga gibituonan nila ni Christine Reyes ug Zanjoe Marudo. Labihan niya ka kontrabida sa maong serye.