Gipugngan sa sinugdanan

CEBU, Philippines — Unom ka tuig na diay nga magkarelasyon sila si 2018 Miss Asia Pacific Sharifa Akeel ug Representative Toto Mangudadatu nga niresulta sa ilang pagpakasal niadtong Miyerkules. Suma pa ni Sharifa sa iyang IG post kagahapon, siya mismo nagpugong sa iyang pagbati sa sinugdanan, daghan sila og mga pagsuway nga giagian, apan gibugkos gyud matud pa sila sa kapalaran, hinungdan nga gipaundayunan niya ang iyang kaugalingon nga higugmaon ang nahisgutan. Human niini, napuno na matud pa siya sa gugma ug kalipay.

Fan ang asawa sa snatcher

Na-snatch ang cellphone ni Alex Gonzaga kagahapon sa EDSA, apan nakuha ra sab kini dayon ug nadakpan ang snatcher. Kini dihang isog nga nigukod ang iyang driver ug ubang mga tawo sa palibot hangtud nga niabot sab ang kapolisan. Matud ni Alex, aginod ang dagan sa mga sakyanan niadtong tungora gumikan kay trapik kaayo, hinungdan nga gisugo niya iyang kauban pagkuha og hulagway, apan kalit lang gilabni ang iyang cellphone. Apan ang naka alegre kay nagpasalamat pa gyud si Alex sa asawa sa snatcher kay matud pa, subscriber kini sa iyang youtube channel.

Walay kilay

May mga nahibulong nganong wala gyud tangtanga ni Mark Anthony Fernandez ang iyang shades sa pag-guest niya sa Bawal Judgemental segment sa Eat Bulaga adtong Miyerkules. Wala sab siya hangyua sa host nga si Ryan Agoncillo ug guest co-host nga si MJ Lastimosa. Ang tsika sa PEP Troika mao nga ang rason niini kay walay kilay ang aktor hinungdan nga nag-shades siya aron dili maklaro. Suma pa nga gi-shave ang mga kilay ni Mark aron mas nindot tan-awon iyang make-up alang sa pelikula niya nga nga Barumbadings. Iyaha kini sa Viva Films ug kauban niya isip bida niini sila si Jeric Raval ug Baron Geisler, sa direksyon ni Darryl Yap. Mga bayot nga barumbado silang tulo niining maong pelikula.

Makita na sa Netflix

Mulugwa na sa Netflix ang Pangako Sayo ug The General's Daughter sunod bulan. Una nga mulugwa ang Pangako Sayo remake version nga gibituonan nila ni Kathryn Bernardo ug Daniel Padilla, sa September 10. Ug sa September 17, makita na sab sa maong streaming platform ang The General's Daughter ni Angel Locsin.

Nagkaubos ang rating

Dismayado ang head writer sa GMA7 nga si  Suzette Doctolero kay bisan matud pa sa mga pagdayeg nga naangkon sa cultural series nga "Legal Wives" padayon nga nitibugsok ang rating niini. Kini bisan pa og mas daghan unta ang makakita niini sanglit naa man kini sa free tv. Pabuhagay niya, kun dili motaas ang rating, dili na matud pa makabaton og salida nga susama niini. Sayop matud pa siya. Mga naandam gyud gihapon mga tema sa salida ang gusto sa publiko.

Lechon manok

Si Nadine Lustre na mismo ang nibutyag nga lechon manok ang ilang sud-an mao nga nipalit siya og sauce. Viral ang hulagway ni Nadine nga nipalit og sauce sa usa ka tindahan didto sa Siargao. Kini kay walay make up ang aktres ug daghan gihapon ang gigwapahan niya. Nalingaw si Nadine sa reaksyon sa netizens sa maong hulagway ug gipang retweet niya ang nagkadaiyang memes sa maong picture nga kuha sa usa ka netizen didto.Oh God

"Oh God x 100". Kana maoy reaksyon ni Janine Gutierrez sa balita nga gidawat ni Presidente Rodrigo Duterte ang nominasyon sa PDP Laban aron palansaron siya pagka bise presidente alang sa piniliay sunod tuig.

Kapuso gihapon

Nirenew sa iyang kontrata sa Kapuso Network si Mikael Daez kagahapon. Usa sa iyang himuon nga proyekto mao ang show nga makauban niya iyang asawa nga si Megan Young.

OTJ series

Sa September 12 na mulugwa ang unang tulo ka mga episodes sa On The Job series nga iyaha sa HBO Asia ug ubos gihapon sa direksyon ni Erik Matti. Suma pa sa CinemaBravo ang original cast sa pelikula nga mahilakip sa TV version mao sila si Gerald Anderson, Joel Torre, Joey Marquez, Piolo Pascual ug Leo Martinez. Madugang nila sila si  John Arcilla, Dennis Trillo, Dante Rivero, Lotlot De Leon, Christopher De Leon, Andrea Brillantes, ug Agot Isidro. Dugang pa nga exclusive kini sa HBO Go, ug matag Domingo ang bag-ong episode ipakita.

Nauyonan ni mama

"Si Dom kasi niligawan din niya talaga si Mama." Kana maoy gitug-an ni Bea Alonzo ngadto sa PEP sa usa ka exclusive interview niining bag-o lang. Suma pa ni Bea, wala man gyud nanghilabot niya iyang mama sa iyang mga relasyon, apan gumikan sa nahitabo sa iyang past relationship, mas protective ang iyang pamilya karon sanglit sila maoy iyang kauban niadtong nagmaoy pa siya.