Lj, walang suwerte sa mga P!

Ang payo ng netizens kay LJ Reyes, ‘wag na uling mai-in love sa lalaking Paulo / Paolo ang pangalan.

Hahaha.

Nakakadalawa na raw kasi siya. Paulo Avelino and Paolo Contis.

Ito ay kung totoo ngang hiwalay na sila ni Paolo Contis though kinumpirma ang hiwalayan nila ni Nay Lolit Solis (manager ni Paolo) pero wala pa ring imik ang magkarelasyon kung wala na ba talaga sila.

Pero ayon nga sa isang source, sa Mandaluyong na nakatira si Paolo at hindi na ito umuuwi sa bahay nila ni LJ. Sa Mandaluyong nakatira ang parents ni Paolo.

Well, ang isang sure,  iba talaga ang karisma ng Kapuso actor sa viewers! Sa unang araw pa lang ng bago niyang pelikula sa Netflix na A Faraway Land, agad na itong napasama sa ‘Top 10 in the Philippines’ list!

Umani na rin ito ng rave reviews mula sa netizens dahil sa natatanging pagganap niya bilang si Nico na lumipad sa Faroe Islands para gawan ng documentary ang Pinay na ikinasal sa isang Faroese.

Ilan din sa mga kapwa celebrities niya ang nagpost tungkol dito, at isa na rito ang leading lady niya sa upco­ming GMA series na  I Left My Heart in Sorsogon na si Heart Evangelista.

Last year, pinabilib din ni Paolo ang viewers sa mahusay niyang acting sa mga pelikulang  Through Night and Day at Ang Pangarap Kong Holdap na inilabas na rin sa Netflix.

Top 30 Clashers, handa na sa salpukan

Inilabas na ang listahan ng mga masuwerteng tutungtong sa next round ng ika-apat na season ng all-original Filipino singing competition ng GMA Network na The Clash.

Matapos ang isinagawang auditions nitong mga nakaraang buwan, inanunsiyo na ng The Clash ang aspiring singers mula sa Luzon, Visayas, at Mindanao na pasok sa Top 30 Clashers.

Bukod sa performances ng Clashers, hindi rin dapat palagpasin ng viewers ang mga inihandang twists at surprises ng The Clash na hindi pa nakikita mula sa previous seasons nito.

Mapapanood pa rin sa The Clash Season 4 ang Clash Masters na sina Julie Anne San Jose at Rayver Cruz, kasama ang Journey Hosts na sina Ken Chan at Rita Daniela.

Tiyak na aabangan din ang magiging pagkilatis ng The Clash Panel na sina Lani Misalucha, Christian Bautista, at AiAi delas Alas.