Isang malaking pelikula, hindi makahanap ng ‘location’

Nahihirapan daw sa paghahanap ng location ang staff ng isang malaking pelikulang nakatakdang gawin ng kilalang movie outfit.

Eh sa tuwing babanggitin daw ng staff ang movie at bidang artista, eh tumatanggi raw agad ang namamahala.

Ipinapasa raw ang staff sa mas mataas na taong in charge sa pandemic ngayon. Maingat naman ang production sa health protocols sa tuwing may movie itong ginagawa.

Wala silang naging problema o isyu sa locations sa past movies na nagawa na nila.

Siyempre, may naaamoy na silang isyu kaugnay ng mga pagtanggi sa kanilang project!

Ma rian, pamilya na ang mundo

Pamilya, pamilya at pamilya! ‘Yan ang mundo ngayon ni Marian Rivera kaya naman mas gusto niyang manatili sa bahay at alagaan ang asawa’t mga anak!

Eh, sino ba naman ang hindi mababaliw kina Zia at Sixto lalo na ngayong lumalaki na at smart ang dating?

Tapos, responsible pa ang asawa niyang si Dingdong Dantes kaya wala nang mahihiling pa sa buhay si Yan Yan, huh!

Kaya naman sa latest Instagram post ni Marian, pasasalamat ang nakasaad ang caption na, “What I am most thankful everyday, the gift of family. Maraming salamat Ama!” kalakip ang litrato ng masaya nilang pamilya!

Naku, kung wala pandemic, bibigyang prayoridad din ni Marian ang career at fans na nagmamahal sa kanya, huh!