Kapuso na gyud

CEBU, Philippines — Pormal na nga gi-welcome sa GMA Network si Johnny Manahan o Mr. M kagahapon. Consultant na siya karon sa GMA Artist Center. Taod-taod na nga gidungog nga mobalhin si Mr. M sa GMA7. Kini human usab natapos na ang Sunday Noontime Live sa Brightlight Production nga gisalida sa TV5 isip blocktime program. Si Mr. M ang director niadtong maong noontime show diin ang main hosts mao sila si Catriona Gray, Maja Salvador ug Piolo Pascual.

Gipakita ni Mama Mary

Gilab-as ni kanhi PBB housemate Nina Jose kagahapon ang unang anibersaryo sa iyang nahiaguman nga mga paso sa nilabay nga tuig human siya nalapwaan sa tuob. Gibutyag niya nga gipatong niya ang tuob sa lamesa nga nagsuray-suray ug nahagbong gyud ang kaldero ug didto nayabo sa iyang sampot, paa ug private part. Second degree burns ang iyang nahiaguman ug kapin sa bulan gyud siya nga nag-antos. Apan niya pa, human sa maong insidente, nagpakita matud pa niya ang Mahal nga Birhen nga nagpaila niya isip Lady of Sorrow. Giingnan matud pa siya niini nga kinahanglang mobisita siya niini alas tres sa hapon. Iya kining gibuhat ug nag-ampo siya sa labing duol nga simbahan nga Lady of Sorrow ang patrona.

Daring scenes

Bukas ang kanhi Goin Bulilit star Alexa Ilacad nga mohimo og daring scenes sa umaabot niya nga pelikula sanglit acting ra man gihapon kini. Basta kay maayo lang ang script ug director, modawat siya og ingon niini nga project. Apil si Alexa sa teleserye nga ‘Init Sa Magdamag” isip manghod ni Gerald Anderson. Pares niya ang iyang bag-ong loveteam nga si Gab Lagman. Wholesome matud pa ang ilang mga esena dinhi.

Movie comeback

Gibutyag ni Anne Curtis nga nagpangita na siya karon og maanindot nga script alang sa iyang movie comeback. Kin maoy iyang gisulti ngadto sa usa ka netizen nga ni-tag niya sa Twitter ug nipadayag nga gimingaw na siya nga makakita ni Anne sa usa ka pelikula. Giangkon ni Anne nga gimingaw na sab siya nga mohimo og movie hinungdan nga namili na siya karon og mga istorya nga posibling mahimo niyang pelikula.

Movie concept

Excited si Lovi Poe sa latest movie nga iyang gihimo karon kauban si Carlo Aquino didto sa Ilocos. Kini kay iyaha matud pa nga konsepto ang istorya sa maong pelikula. Samtang nag-lock in shooting si Lovi, isalida na sa July 16, ang iyang pelikula nga “The Other Wife” kauban si Joem Bascom. Kini pinaagi sa Vivamax, IwanTFC ug uban pang streaming apps.

Matahum nga Daanbantayan!

Maayong adlaw sa mga suki namo'ng Banat News readers! Nahibalik na sab karon ang usa inyong giatngan ilabi na sa mga laagan! Ug atol sa atong pagbalik, ilaag ta mo sa maanindot nga lungsod sa Daanbantayan!

Kini ang lungsod diin nahisakop ang mga nabantog nga mga tourist spots ug mga lugar nga kasuruyan sa norte sama sa Malapascua Island, Carnaza Island, Kandaya Resort, Golden Sands ug Bougainville Resort.

Aron masinati nimo ang kaanindot niining maong mga lugar, ania ang pipila sa mga paagi aron ikaw makatugdong dinhi.

Kun naggikan ka sa dakbayan sa Sugbo ug planong mag-commute, mosakay lamang ka og bus sa SM Terminal-- pangitaa ang mga bus nga adunay plaka nga DAANBANTAYAN, diin moplete lamang ka og P200.00 ug sulod sa tulo ka mga oras nga byahe, masinati na dayun nimo ang first class municipality sa Daanbantayan.

Apan kun aduna moy private vehicles, mamahimong duha ka oras lamang ang imong byahe paingon dinhi, subaya lamang ang dalan paingon sa Bogo City ug kun moabut naka sa Don Pedro Highway sa maong dakbayan, moliko ka patuo ug lahus na gayud kini paingun sa maong lungsod.

Hangtud sa sunod semana, daghang salamat mga ka Lao-kwatsera!

(Alang sa dugang kasayuran pangutana pinaagi sa Municipality of Daanbantayan FB page)